DILI, 30 Setembru 2022 – Parseiru internasional Autoridade Protesaun Sivil hosi Australian Humanitarian Partnership (AHP) apoiu ekipamentu informátika no mobiliáriu eskritóriu ba APC hodi utiliza halo serbisu instituisaun nian iha tempu emerjénsia.
Prezidente APC, Superintendente Polísia, Ismael da Costa Babo M.Sc esplika apoia ekipamentu ne´ebe APC simu hosi AHP importante tebes ba servisu instituisaun nian.
“Onra no priveléjiu ba Protesaun Sivíl ne’ebé bele hetan apoiu hosi parseiru importante sira. Tanba ne’e lori governu, Protesaun Sivíl hakarak hatoo de’it obrigadu barak ba AHP sai parseiru importante ba APC iha kedas situasaun emerjénsia, normál, no situasaun rekopera,” dehan Sup. Pol Ismael da Costa Babo, M.Sc.
Caritas Australia nu´udar membru ida hosi AHP ne´ebe fo apoia mos ekipamentu balun iu hosi nia country diretor, Fernando Pires hateten antes ne´enia parte mos fo ona apoia hanesan iha nia parseira hodi resposta ba situasaun emerjénsia iha tinan 2021.
“Ami kontente tebes ho servisu hamutuk ida ne’e,” dehan Fernando Pires.
Ekipamentu, ne’ebe apoiu hosi AHP liu hosi nia membru sira hanesan CARE (laptop ida, meja 1 no kadeira 1), Caritas Australia oferese (laptop 6, printer 3, radiu 3, meja 6, kadeira 6, cupboard 3 no filing cabinets 3), Plan International (laptop 2), enkuantu World Vision Timor-Leste apoiu (meja 3, kadeira 3, filling cabinets 2, ban paper 6, envolpe 6, note books 10, folder 10, estaplers 5, estaplers wire 5 no folder bantex 16).
Caption Photos: Presidenti APC, Superintendente Polisia, Ismael da Costa Babo, M.Sc simu apoia laptop ne´ebe entrega hosi representante AHP.
File foto: AHP
————————————-
