BRISBANE, 19 Setembru 2022 – Delegasaun Protesaun Timor-Leste ne´ebe lidera hosi Sekretariu Estadu Protesaun Sivil, Joaquim Gusmão Martins no Prezidenti Autoridade Proteção Civil (APC), Superintedente Polisia Ismael da Costa Babo, M.Sc partisipa Asia-Pacific Ministerial Conference on Disaster Risk Reduction (APMCDRR) ne´ebe realiza iha Brisbane, Australia hahu 19 to´o 22 Setembru 2022.
Antes partisipa APMCDRR, Sekretariu Estadu Protesaun Sivil, Joaquim Gusmão Martins hamutuk ho Prezidenti APC, Superintedente Polisia Ismael da Costa Babo, M.Sc ho Direitor Nasional Bombeiros, Claudio da Silva halo vizita iha Darwin, Northern Territory.
Iha Darwin delegasaun vizita Universidade Charles Dawin University hodi hare´e kolaborasaun entre Protesaun Sivil ho Charles Darwin University hodi hasaé kapasidade no skill funsionariu APC kona-ba Responde Dezastre.
Hafoin vizita ne´e, Charles Darwin University mos konfirma ona sei vizita Kuartel Protesaun Sivil hodi follow up inkontru no dezemvolve Memorandum de Intendementu (MoU) kolaborasaun nian.
Alende ne´e, delegasaun mos halo vizita ba Polisia Northern Territory, Bombeiros no Servisu Emerjensia no simu hosi CEO, Jammie Chalker.
Sua Excellencia Joaquim Gusmão Martins hateten objetivu vizita ne´e hodi buka koperasaun iha futuru ba mentores no treinamentu ba programa desenvolve kapasitasaun internal ba funsionariu Autoridade Protesaun Sivil.
Iha Brisbane, alende partisipa APMCDRR, Prezidenti APC sei halo inkontru bilateral ho JICA, Banku Mundial no IOM.
Delegasaun Protesaun Sivil Timor-Leste alende hosi SEPS no APC, partisipa mos parseiru protesaun sivil sira hosi NGO Nasional no Internasional.
Caption Photos: Delegasaun Timor-Leste ne´ebe lidera hosi Sekretariu Estadu Protesuan Sivil, Joaquim Gusmão Martins foto hamutuk ho Delegasaun Protesaun Sivil Australia iha ambitu diskusaun ba koperasaun bilateral.
File foto: APMC
——————————
Notisia Seluk
APC Bobonaro Tesi Ai Ne’ebé Ameasa Komunidade
Bobonaro, 27 Maiu 2024 - Autoridade Protesaun Sivíl (APC) Munisípiu Bobonaro liuhusi Corpo Bombeiros tesi ai hun ida ne’ebé fó amiasa ba komunidade nia uma iha Suku Holsa,Aldeia Oplegul, Posto Administrative Maliana. Iha intervensaun ne’e lideradu husi xefe Brigada...
APC SUAI APOIU BE MO’OS
Covalima, 27 Maiu 2024- Autoridade Proteção Civil (APC) Munisípiu Covalima liuhusi Corpo Bomberus (CB) brigada 2 apoiu be’e mo’os ba estudante estajiáriu sira husi INSTITUTO CIENCIAS DA SAÚDE iha CLÍNICA HOSPITAL REFERAL SUAI, iha Aldeia Asurai, Suku Debos Posto...
SOSIALIZASAUN RISKU DEZASTRE ANTISIPATÓRIA NO MAPAMENTU ANTISIPATÓRIA
Manatuto, 27 Maiu 2024- Komandu Autoridade Protesaun Sivil (APC) Munisípiu Manatuto ne’ebé lidera husi Insptor Polisia Tome da Costa, nomea funsionáriu Jestaun Risku Dezastre (DNGRD) Mariano Soares partisipa no loke abertura iha Atividade Sosializaasaun Risku Dezastre...