BRISBANE, 19 Setembru 2022 – Delegasaun Protesaun Timor-Leste ne´ebe lidera hosi Sekretariu Estadu Protesaun Sivil, Joaquim Gusmão Martins no Prezidenti Autoridade Proteção Civil (APC), Superintedente Polisia Ismael da Costa Babo, M.Sc partisipa Asia-Pacific Ministerial Conference on Disaster Risk Reduction (APMCDRR) ne´ebe realiza iha Brisbane, Australia hahu 19 to´o 22 Setembru 2022.
Antes partisipa APMCDRR, Sekretariu Estadu Protesaun Sivil, Joaquim Gusmão Martins hamutuk ho Prezidenti APC, Superintedente Polisia Ismael da Costa Babo, M.Sc ho Direitor Nasional Bombeiros, Claudio da Silva halo vizita iha Darwin, Northern Territory.
Iha Darwin delegasaun vizita Universidade Charles Dawin University hodi hare´e kolaborasaun entre Protesaun Sivil ho Charles Darwin University hodi hasaé kapasidade no skill funsionariu APC kona-ba Responde Dezastre.
Hafoin vizita ne´e, Charles Darwin University mos konfirma ona sei vizita Kuartel Protesaun Sivil hodi follow up inkontru no dezemvolve Memorandum de Intendementu (MoU) kolaborasaun nian.
Alende ne´e, delegasaun mos halo vizita ba Polisia Northern Territory, Bombeiros no Servisu Emerjensia no simu hosi CEO, Jammie Chalker.
Sua Excellencia Joaquim Gusmão Martins hateten objetivu vizita ne´e hodi buka koperasaun iha futuru ba mentores no treinamentu ba programa desenvolve kapasitasaun internal ba funsionariu Autoridade Protesaun Sivil.
Iha Brisbane, alende partisipa APMCDRR, Prezidenti APC sei halo inkontru bilateral ho JICA, Banku Mundial no IOM.
Delegasaun Protesaun Sivil Timor-Leste alende hosi SEPS no APC, partisipa mos parseiru protesaun sivil sira hosi NGO Nasional no Internasional.
Caption Photos: Delegasaun Timor-Leste ne´ebe lidera hosi Sekretariu Estadu Protesuan Sivil, Joaquim Gusmão Martins foto hamutuk ho Delegasaun Protesaun Sivil Australia iha ambitu diskusaun ba koperasaun bilateral.
File foto: APMC
——————————
Notisia Seluk
KOMUNIDADE SEIDAUK IHA KONSENSIA SUNU RAI NAFATIN IHA SUKU BETANU
Manufahi,16 Jullu 2024 - Autoridade Protesaun Sivíl (APC) Munisípiu Manufahi liuhusi Komandante Bombeiros Juvinal Da Silva ba loron ohin hamutuk ho ekipa halao atividade hamate ahi ne’ebé hetan sunu husi ema deskoñesidu iha area Natar akadiru-oan Aldeia Loro Suku...
APC LIKISA HAMUTUK HO MERCY CORPS REALIZA FORMASAUN BA LIDERÁNSA KOMUNITÁRIU IHA SUKU LISADILA
Liquisa,16 Jullu 2024-Autoridades Protesaun Sivíl (APC Sigla Português) liuhusi Segundo Komandante Paulo dos Santos Gonçalves,Xefe Departamentu Diresaun Nasional Jestaun Risku Dezastre (DNGRD) José dos Santos hamutuk ho Mercy CORPS realiza formasaun kona-bá Jestaun...
PREZIDENTI APC KONTINUA ENKONTRU DESPEDIDA HO GREK, GPEA, GIAI
Dili, 16 Jullu 2024-Prezidenti Autoridade Protesaun Sivil atuál (APC) Superintendente Polisia Ismail da Costa Babo hala’o enkontru despedida ho Diretór, Xefe Departamentu, Xefe Seksaun no funsionariu hosi Gabinete Planeamentu Estratéjiku Assesoria (GPEA), Gabinete...