BRISBANE, 19 Setembru 2022 – Delegasaun Protesaun Timor-Leste ne´ebe lidera hosi Sekretariu Estadu Protesaun Sivil, Joaquim Gusmão Martins no Prezidenti Autoridade Proteção Civil (APC), Superintedente Polisia Ismael da Costa Babo, M.Sc partisipa Asia-Pacific Ministerial Conference on Disaster Risk Reduction (APMCDRR) ne´ebe realiza iha Brisbane, Australia hahu 19 to´o 22 Setembru 2022.
Antes partisipa APMCDRR, Sekretariu Estadu Protesaun Sivil, Joaquim Gusmão Martins hamutuk ho Prezidenti APC, Superintedente Polisia Ismael da Costa Babo, M.Sc ho Direitor Nasional Bombeiros, Claudio da Silva halo vizita iha Darwin, Northern Territory.
Iha Darwin delegasaun vizita Universidade Charles Dawin University hodi hare´e kolaborasaun entre Protesaun Sivil ho Charles Darwin University hodi hasaé kapasidade no skill funsionariu APC kona-ba Responde Dezastre.
Hafoin vizita ne´e, Charles Darwin University mos konfirma ona sei vizita Kuartel Protesaun Sivil hodi follow up inkontru no dezemvolve Memorandum de Intendementu (MoU) kolaborasaun nian.
Alende ne´e, delegasaun mos halo vizita ba Polisia Northern Territory, Bombeiros no Servisu Emerjensia no simu hosi CEO, Jammie Chalker.
Sua Excellencia Joaquim Gusmão Martins hateten objetivu vizita ne´e hodi buka koperasaun iha futuru ba mentores no treinamentu ba programa desenvolve kapasitasaun internal ba funsionariu Autoridade Protesaun Sivil.
Iha Brisbane, alende partisipa APMCDRR, Prezidenti APC sei halo inkontru bilateral ho JICA, Banku Mundial no IOM.
Delegasaun Protesaun Sivil Timor-Leste alende hosi SEPS no APC, partisipa mos parseiru protesaun sivil sira hosi NGO Nasional no Internasional.
Caption Photos: Delegasaun Timor-Leste ne´ebe lidera hosi Sekretariu Estadu Protesuan Sivil, Joaquim Gusmão Martins foto hamutuk ho Delegasaun Protesaun Sivil Australia iha ambitu diskusaun ba koperasaun bilateral.
File foto: APMC
——————————
Notisia Seluk
KORPU BOMBEIROS LAUTÉM HALA’O ÁTIVIDADE BA SEGURANSA KONTRA INSÉNDIU
Lautém, 20 Marsu 2025 - Komandante Korpu Bombeiros Martinho de Carvalho, hamutuk membru CB Brigada-I hala'o inspesaun ba assúntu seguransa kontra inséndiu iha edifísiu privada Banku Kaebauk Sukursál Lospalos, iha Munsípiu Lautém ho objetivu partilla informasaun oinsá...
APC MANUFAHI FORNSE PAKOTE EMERJÉNSIA BA VÍTIMA INSÉNDIU IHA SEMANA NE’E
Manufahi, 20 Marsu 2025-Komandante Autoridade Protesaun Sivíl Munisípiu Manufahi Manuel da Silva hamututk ho ekipa fornese ona pakote emerjénsia hanesan aihan no laos aihan ba família vítima Remiro Tilman ne’ebé nia uma ahi han foni lalais tamba kauza sunu husi ema...
APC ERMERA KUDA AI OAN IHA ALDEIA SACOCO MUNISÍPIU ERMERA
Ermera, 19 Marsu 2025- Komandante APC Munisipiu Ermera Norberto Soares Exposto akompaña husi Xefe Departamentu Diresaun Nasional Jestaun Risku Dezastre Munisipiu Ermera Sabino Amaral Fernandes ho ekipa hala'o atividade kuda ai oan iha Aldeia Sacoco, Suku Ponilala,...