BRISBANE, 19 Setembru 2022 – Delegasaun Protesaun Timor-Leste ne´ebe lidera hosi Sekretariu Estadu Protesaun Sivil, Joaquim Gusmão Martins no Prezidenti Autoridade Proteção Civil (APC), Superintedente Polisia Ismael da Costa Babo, M.Sc partisipa Asia-Pacific Ministerial Conference on Disaster Risk Reduction (APMCDRR) ne´ebe realiza iha Brisbane, Australia hahu 19 to´o 22 Setembru 2022.
Antes partisipa APMCDRR, Sekretariu Estadu Protesaun Sivil, Joaquim Gusmão Martins hamutuk ho Prezidenti APC, Superintedente Polisia Ismael da Costa Babo, M.Sc ho Direitor Nasional Bombeiros, Claudio da Silva halo vizita iha Darwin, Northern Territory.
Iha Darwin delegasaun vizita Universidade Charles Dawin University hodi hare´e kolaborasaun entre Protesaun Sivil ho Charles Darwin University hodi hasaé kapasidade no skill funsionariu APC kona-ba Responde Dezastre.
Hafoin vizita ne´e, Charles Darwin University mos konfirma ona sei vizita Kuartel Protesaun Sivil hodi follow up inkontru no dezemvolve Memorandum de Intendementu (MoU) kolaborasaun nian.
Alende ne´e, delegasaun mos halo vizita ba Polisia Northern Territory, Bombeiros no Servisu Emerjensia no simu hosi CEO, Jammie Chalker.
Sua Excellencia Joaquim Gusmão Martins hateten objetivu vizita ne´e hodi buka koperasaun iha futuru ba mentores no treinamentu ba programa desenvolve kapasitasaun internal ba funsionariu Autoridade Protesaun Sivil.
Iha Brisbane, alende partisipa APMCDRR, Prezidenti APC sei halo inkontru bilateral ho JICA, Banku Mundial no IOM.
Delegasaun Protesaun Sivil Timor-Leste alende hosi SEPS no APC, partisipa mos parseiru protesaun sivil sira hosi NGO Nasional no Internasional.
Caption Photos: Delegasaun Timor-Leste ne´ebe lidera hosi Sekretariu Estadu Protesuan Sivil, Joaquim Gusmão Martins foto hamutuk ho Delegasaun Protesaun Sivil Australia iha ambitu diskusaun ba koperasaun bilateral.
File foto: APMC
——————————
Notisia Seluk
APC LAUTÉM SIMU VIZITA TRABALLU HUSI LOJÍSTIKA APC NASIONAL
Lautém, 03 Abríl 2025 - Funsionáriu Autoridade Protesaun Sivíl (APC) Munisípiu Lautém ne'ebé kompostu husi Segundu Komandante Korpu Bombeiros, Gabinete Munisipál Jestaun Rekúrsu, Gabinete Munisipál Jestaun Risku Dezastre no Gabinete Munisipál Rekuperasaun hamutuk...
APC AINARO HETAN VIZITA TRABALLU HUSI DEPARTAMENTU LOJÍSTIKA NO PARTRIMÓNIU NASIONAL
Ainaro, 03 Marsu 2025 - Komandante Autoridade Protesaun Sivíl Munisípiu Ainaro Moises Mota Menezes hamutuk ho Kargu xefia sira simu vizita traballu husi lojístika APC Nasional ne'ebé lidera husi Xefe Seksaun Lojístika e Patrimóniu Tito da Conceição Pinto. Objetivu...
APC MANUFAHI SIMU VIZITA TRABALLU HUSI LOJÍSTIKA NASIONAL
Manufahi, 03 Marsu 2025-Komandante Autoridade Protesaun Sivíl Munisípiu Manufahi Manuel da Silva hamutuk ho kargu xefia sira iha APC Manufahi simu vizita traballu husi Xefe Seksaun Patrimóniu no Arquivu APC Nasionál Tito da Conceção Pinto hamutuk ho nia komitiva iha...