BRISBANE, 19 Setembru 2022 – Delegasaun Protesaun Timor-Leste ne´ebe lidera hosi Sekretariu Estadu Protesaun Sivil, Joaquim Gusmão Martins no Prezidenti Autoridade Proteção Civil (APC), Superintedente Polisia Ismael da Costa Babo, M.Sc partisipa Asia-Pacific Ministerial Conference on Disaster Risk Reduction (APMCDRR) ne´ebe realiza iha Brisbane, Australia hahu 19 to´o 22 Setembru 2022.
Antes partisipa APMCDRR, Sekretariu Estadu Protesaun Sivil, Joaquim Gusmão Martins hamutuk ho Prezidenti APC, Superintedente Polisia Ismael da Costa Babo, M.Sc ho Direitor Nasional Bombeiros, Claudio da Silva halo vizita iha Darwin, Northern Territory.
Iha Darwin delegasaun vizita Universidade Charles Dawin University hodi hare´e kolaborasaun entre Protesaun Sivil ho Charles Darwin University hodi hasaé kapasidade no skill funsionariu APC kona-ba Responde Dezastre.
Hafoin vizita ne´e, Charles Darwin University mos konfirma ona sei vizita Kuartel Protesaun Sivil hodi follow up inkontru no dezemvolve Memorandum de Intendementu (MoU) kolaborasaun nian.
Alende ne´e, delegasaun mos halo vizita ba Polisia Northern Territory, Bombeiros no Servisu Emerjensia no simu hosi CEO, Jammie Chalker.
Sua Excellencia Joaquim Gusmão Martins hateten objetivu vizita ne´e hodi buka koperasaun iha futuru ba mentores no treinamentu ba programa desenvolve kapasitasaun internal ba funsionariu Autoridade Protesaun Sivil.
Iha Brisbane, alende partisipa APMCDRR, Prezidenti APC sei halo inkontru bilateral ho JICA, Banku Mundial no IOM.
Delegasaun Protesaun Sivil Timor-Leste alende hosi SEPS no APC, partisipa mos parseiru protesaun sivil sira hosi NGO Nasional no Internasional.
Caption Photos: Delegasaun Timor-Leste ne´ebe lidera hosi Sekretariu Estadu Protesuan Sivil, Joaquim Gusmão Martins foto hamutuk ho Delegasaun Protesaun Sivil Australia iha ambitu diskusaun ba koperasaun bilateral.
File foto: APMC
——————————
Notisia Seluk
APC ERMERA APOIU EMERJÉNSIA BA VÍTIMA UMA KAIN 4 IHA MUNISÍIPIU ERMERA
Ermera, 04 Dezembru 2024-Autoridade Protesaun Sivíl (APC) Munisípiu Ermera ne'ebé lidera husi Albino da Costa Gomes hamutuk ho ekipa fornese pakote emerjénsia hanesan aihan no laos aihan ba vítima uma kain 4 ne'ebé sira nia uma hetan estragus tamba kauzu husi anin...
APC RAEOA ABERTURA FORMASAUN RESPOSTA EMERJÉNSIA NO EZERSÍSIU SIMULASAUN
RAEOA, 03 Dezembru 2024- Autoridade Protesaun Sivil (APC) RAEOA liu husi Komandante Operasional Interinu APC Moises Tunis Colo halo abertura ba Formasaun Resposta Emerjénsia no Ezersísiu (SIMEX) iha Centro Formasaun Profisionál Bansone, Suku Cunha, Sub-Rejiaun...
APC LIQUIÇA HAMUTUK HO EKIPA APC NASIONAL REVERIFIKASAUN DADUS DEZASTRE
Liquiça, 02 Dezembru 2024-Autoridade Protesaun Sivil Munisípiu Liquiça hamutuk ho Ekipa APC Nasional halo reverifikasaun ba uma kain ruanulu resin rua ne’ebé afeta ba dezastre iha tinan 2023 no tinan 2024, iha Suku Vatuvou, Suku Maubaralisa, Suku Vaviqunia, Postu...