BRISBANE, 19 Setembru 2022 – Delegasaun Protesaun Timor-Leste ne´ebe lidera hosi Sekretariu Estadu Protesaun Sivil, Joaquim Gusmão Martins no Prezidenti Autoridade Proteção Civil (APC), Superintedente Polisia Ismael da Costa Babo, M.Sc partisipa Asia-Pacific Ministerial Conference on Disaster Risk Reduction (APMCDRR) ne´ebe realiza iha Brisbane, Australia hahu 19 to´o 22 Setembru 2022.
Antes partisipa APMCDRR, Sekretariu Estadu Protesaun Sivil, Joaquim Gusmão Martins hamutuk ho Prezidenti APC, Superintedente Polisia Ismael da Costa Babo, M.Sc ho Direitor Nasional Bombeiros, Claudio da Silva halo vizita iha Darwin, Northern Territory.
Iha Darwin delegasaun vizita Universidade Charles Dawin University hodi hare´e kolaborasaun entre Protesaun Sivil ho Charles Darwin University hodi hasaé kapasidade no skill funsionariu APC kona-ba Responde Dezastre.
Hafoin vizita ne´e, Charles Darwin University mos konfirma ona sei vizita Kuartel Protesaun Sivil hodi follow up inkontru no dezemvolve Memorandum de Intendementu (MoU) kolaborasaun nian.
Alende ne´e, delegasaun mos halo vizita ba Polisia Northern Territory, Bombeiros no Servisu Emerjensia no simu hosi CEO, Jammie Chalker.
Sua Excellencia Joaquim Gusmão Martins hateten objetivu vizita ne´e hodi buka koperasaun iha futuru ba mentores no treinamentu ba programa desenvolve kapasitasaun internal ba funsionariu Autoridade Protesaun Sivil.
Iha Brisbane, alende partisipa APMCDRR, Prezidenti APC sei halo inkontru bilateral ho JICA, Banku Mundial no IOM.
Delegasaun Protesaun Sivil Timor-Leste alende hosi SEPS no APC, partisipa mos parseiru protesaun sivil sira hosi NGO Nasional no Internasional.
Caption Photos: Delegasaun Timor-Leste ne´ebe lidera hosi Sekretariu Estadu Protesuan Sivil, Joaquim Gusmão Martins foto hamutuk ho Delegasaun Protesaun Sivil Australia iha ambitu diskusaun ba koperasaun bilateral.
File foto: APMC
——————————
Notisia Seluk
APC Manatuto Kontinua Halo Lavajen ba Estrada Protokolu MM
Manatuto, 2 Maio 2024- Komando Autoridade Protesaun Sivíl (APC) Munisípiu Manatuto liuhusi Corpo Bombeiro nebe lidera husi Simão da Costa Soares ho ekipa nafatin fó apoiu hanesan ekipa komisaun lojístika ba atividade lansamentu Balkaun Úniku halo lavagen ba estrada...
APC Baucau Apoia Emerjénsia ba Vítima Dezastre
Baucau 2 Maio 2024-Autoridade Protesaun Sivil Munisipiu Baucau fó apoiu emerjensia ba vítima uma kain 7 ne’ebé nia uma hetan estragus kauza anin boot iha Postu Administrativu Quelicai, husi Suco Uaitame, Aldeia 4 mak hanesan; Aldeia Caranu uma kain 1, Aldeia Gamana...
EKIPA APROVIZIONAMENTU ENTREGA DOKUMENTU KONKURSU BA PREZIDENTI JURI APC
Dili, 02 maio 2024-Ekipa Autoridade Protesaun Sivil (APC), husi departamentu Aprovizionamentu prosesu kotasaun entrega ba ekipa juri ne’ebé lidera husi presidenti juri Gustavio José Lopes hodi halo prosesu avaliasaun. Husi dokumentus hirak ne’e iha diresaun haat (4)...