BRISBANE, 19 Setembru 2022 – Delegasaun Protesaun Timor-Leste ne´ebe lidera hosi Sekretariu Estadu Protesaun Sivil, Joaquim Gusmão Martins no Prezidenti Autoridade Proteção Civil (APC), Superintedente Polisia Ismael da Costa Babo, M.Sc partisipa Asia-Pacific Ministerial Conference on Disaster Risk Reduction (APMCDRR) ne´ebe realiza iha Brisbane, Australia hahu 19 to´o 22 Setembru 2022.
Antes partisipa APMCDRR, Sekretariu Estadu Protesaun Sivil, Joaquim Gusmão Martins hamutuk ho Prezidenti APC, Superintedente Polisia Ismael da Costa Babo, M.Sc ho Direitor Nasional Bombeiros, Claudio da Silva halo vizita iha Darwin, Northern Territory.
Iha Darwin delegasaun vizita Universidade Charles Dawin University hodi hare´e kolaborasaun entre Protesaun Sivil ho Charles Darwin University hodi hasaé kapasidade no skill funsionariu APC kona-ba Responde Dezastre.
Hafoin vizita ne´e, Charles Darwin University mos konfirma ona sei vizita Kuartel Protesaun Sivil hodi follow up inkontru no dezemvolve Memorandum de Intendementu (MoU) kolaborasaun nian.
Alende ne´e, delegasaun mos halo vizita ba Polisia Northern Territory, Bombeiros no Servisu Emerjensia no simu hosi CEO, Jammie Chalker.
Sua Excellencia Joaquim Gusmão Martins hateten objetivu vizita ne´e hodi buka koperasaun iha futuru ba mentores no treinamentu ba programa desenvolve kapasitasaun internal ba funsionariu Autoridade Protesaun Sivil.
Iha Brisbane, alende partisipa APMCDRR, Prezidenti APC sei halo inkontru bilateral ho JICA, Banku Mundial no IOM.
Delegasaun Protesaun Sivil Timor-Leste alende hosi SEPS no APC, partisipa mos parseiru protesaun sivil sira hosi NGO Nasional no Internasional.
Caption Photos: Delegasaun Timor-Leste ne´ebe lidera hosi Sekretariu Estadu Protesuan Sivil, Joaquim Gusmão Martins foto hamutuk ho Delegasaun Protesaun Sivil Australia iha ambitu diskusaun ba koperasaun bilateral.
File foto: APMC
——————————
Notisia Seluk
EKIPA SENTRU FORMASAUN NASIONAL FASILITA FORMASAUN BA FUNSIONÁRIU APC COVALIMA
Covalima, 17 Marsu 2025 –Komandante APC Munisípiu Covalima Celestino Afonso Ferreira hamutuk ho estrutura tomak inklui funsionáriu partisipa formasaun kona-bá Jestaun Risku Dezastre, Premeiru Intervensaun Kontra Inséndiu no Premeiru Sokoru Báziku, iha salaun CVTL...
AHI HAN UMA XEFE FAMÍLIA IDA IHA SUKU COM, MUNISÍPIU LAUTÉM
Lautém, 17 Marsu 2025 - Akontesimentu dezastre inséndiu ne'e, akontese iha oras tuku 10:15 OTL, ba vítima afetada Bernadete dos Santos, husi Aldeia Ira'Ono, Suku Com, Postu Administrativu Lautém, Munisípiu Lautém. Inséndiu ne'e akontese, tanba kauza husi sirkuitu...
KORPU BOMBEIROS MUNISÍPIU BAUCAU TESI AI NE’EBÉ MONU TAKA DALAN PÚBLIKU
Baucau 17 Marsu 2025- Segundu Komandante Korpu Bombeiros Brigada II José Antonio de Oliveira, hamutuk ho ekipa tesi ai ne’ebé taka dalan públiku parte Aldeia Uaikana, Suku Badu-Ho'o, Postu Administrativu Venilale, Munisípiu Baucau. Atividade ne'e hetan apoio husi...