BRISBANE, 19 Setembru 2022 – Delegasaun Protesaun Timor-Leste ne´ebe lidera hosi Sekretariu Estadu Protesaun Sivil, Joaquim Gusmão Martins no Prezidenti Autoridade Proteção Civil (APC), Superintedente Polisia Ismael da Costa Babo, M.Sc partisipa Asia-Pacific Ministerial Conference on Disaster Risk Reduction (APMCDRR) ne´ebe realiza iha Brisbane, Australia hahu 19 to´o 22 Setembru 2022.
Antes partisipa APMCDRR, Sekretariu Estadu Protesaun Sivil, Joaquim Gusmão Martins hamutuk ho Prezidenti APC, Superintedente Polisia Ismael da Costa Babo, M.Sc ho Direitor Nasional Bombeiros, Claudio da Silva halo vizita iha Darwin, Northern Territory.
Iha Darwin delegasaun vizita Universidade Charles Dawin University hodi hare´e kolaborasaun entre Protesaun Sivil ho Charles Darwin University hodi hasaé kapasidade no skill funsionariu APC kona-ba Responde Dezastre.
Hafoin vizita ne´e, Charles Darwin University mos konfirma ona sei vizita Kuartel Protesaun Sivil hodi follow up inkontru no dezemvolve Memorandum de Intendementu (MoU) kolaborasaun nian.
Alende ne´e, delegasaun mos halo vizita ba Polisia Northern Territory, Bombeiros no Servisu Emerjensia no simu hosi CEO, Jammie Chalker.
Sua Excellencia Joaquim Gusmão Martins hateten objetivu vizita ne´e hodi buka koperasaun iha futuru ba mentores no treinamentu ba programa desenvolve kapasitasaun internal ba funsionariu Autoridade Protesaun Sivil.
Iha Brisbane, alende partisipa APMCDRR, Prezidenti APC sei halo inkontru bilateral ho JICA, Banku Mundial no IOM.
Delegasaun Protesaun Sivil Timor-Leste alende hosi SEPS no APC, partisipa mos parseiru protesaun sivil sira hosi NGO Nasional no Internasional.
Caption Photos: Delegasaun Timor-Leste ne´ebe lidera hosi Sekretariu Estadu Protesuan Sivil, Joaquim Gusmão Martins foto hamutuk ho Delegasaun Protesaun Sivil Australia iha ambitu diskusaun ba koperasaun bilateral.
File foto: APMC
——————————
Notisia Seluk
APC PARTISIPA WORKSHOP LEARNING MANAGEMENT SYSTEM
Autoridade Protesaun Sivil (APC) liu husi Diretór Gabinete Relasaun Externa no Komunikasaun (GREK), Cesario da Silva Marques ho Xefe Unidade Operasaun Terrestre, Martinho de Fátima partisipa iha " The AHA Center Learning Management System (MLS) Knowledge Exchange...
MINISTRO DO INTERIOR VIZITA NO HALA’O ENKONTRU HO ESTRUTURA MI IHA RAEOA
RAEOA, 14 Marsu 2025 - Ministro do Interior Francisco da Costa Guterres, Ph.D akompaña husi estrutura nasionál tomak vizita deritamente diresaun tutela iha Ministériu Interior iha Baze hanesan PNTL, APC, Servisu Imigrasaun, DNB, DNSPP no DNPCC. Objectivu husi Vizita...
APC ERMERA HALO VERIFIKASAUN BA VÍTIMA DEZASTRE IHA POSTU ADMINISTRATIVU LETEFOHO
Ermera, 14 Marsu 2025 – Autoridade Protesaun Sivíl Munisípiu Ermera lidera husi Xefe Gabinete Diresaun Nasional Rekoperasaun Filomena Soares hamutuk ho ekipa hala'o verifikasaun ba vítima ba dezastre hamutuk uma kain 10, iha Postu Administrativu Letefoho, Munisipiu...