BRISBANE, 19 Setembru 2022 – Delegasaun Protesaun Timor-Leste ne´ebe lidera hosi Sekretariu Estadu Protesaun Sivil, Joaquim Gusmão Martins no Prezidenti Autoridade Proteção Civil (APC), Superintedente Polisia Ismael da Costa Babo, M.Sc partisipa Asia-Pacific Ministerial Conference on Disaster Risk Reduction (APMCDRR) ne´ebe realiza iha Brisbane, Australia hahu 19 to´o 22 Setembru 2022.
Antes partisipa APMCDRR, Sekretariu Estadu Protesaun Sivil, Joaquim Gusmão Martins hamutuk ho Prezidenti APC, Superintedente Polisia Ismael da Costa Babo, M.Sc ho Direitor Nasional Bombeiros, Claudio da Silva halo vizita iha Darwin, Northern Territory.
Iha Darwin delegasaun vizita Universidade Charles Dawin University hodi hare´e kolaborasaun entre Protesaun Sivil ho Charles Darwin University hodi hasaé kapasidade no skill funsionariu APC kona-ba Responde Dezastre.
Hafoin vizita ne´e, Charles Darwin University mos konfirma ona sei vizita Kuartel Protesaun Sivil hodi follow up inkontru no dezemvolve Memorandum de Intendementu (MoU) kolaborasaun nian.
Alende ne´e, delegasaun mos halo vizita ba Polisia Northern Territory, Bombeiros no Servisu Emerjensia no simu hosi CEO, Jammie Chalker.
Sua Excellencia Joaquim Gusmão Martins hateten objetivu vizita ne´e hodi buka koperasaun iha futuru ba mentores no treinamentu ba programa desenvolve kapasitasaun internal ba funsionariu Autoridade Protesaun Sivil.
Iha Brisbane, alende partisipa APMCDRR, Prezidenti APC sei halo inkontru bilateral ho JICA, Banku Mundial no IOM.
Delegasaun Protesaun Sivil Timor-Leste alende hosi SEPS no APC, partisipa mos parseiru protesaun sivil sira hosi NGO Nasional no Internasional.
Caption Photos: Delegasaun Timor-Leste ne´ebe lidera hosi Sekretariu Estadu Protesuan Sivil, Joaquim Gusmão Martins foto hamutuk ho Delegasaun Protesaun Sivil Australia iha ambitu diskusaun ba koperasaun bilateral.
File foto: APMC
——————————
Notisia Seluk
KOMANDANTE APC MUNISÍPIU LAUTÉM PARTISIPA PROGRAMA KUDA AI OAN IHA SUKU CACAVEI
Lautém, 14 Marsu 2025 - Komandante Autoridade Protesaun Sivíl Munisípiu Lautém José Agostinho da Costa Pacheco, partisipa iha atividade kuda ai-oan iha área bee-matan Wata-Papan iha Aldeia Paihira, Suku Cacavei, Postu Administrativu Lospalos, Munisípiu Lautém ne’ebé ...
KORPU BOMBEIROS MUNISÍPIU AINARO TESI AI KAKEU NE’EBÉ MONU IHA ESTRADA PÚBLIKU
Ainaro, 14 Marsu 2025 –Segundu Komandante Bombeiros Munisípiu Ainaro Jaime dos Santos hamutuk ho ekipa tesi aí Kakeu ne'ebé monu taka dalan públiku iha área Aitalo, Postu Administrativu Maubisse, Munisípiu Ainaro. Ho intervensaun ne’ebé iha ekipa konsege normaliza...
KORPU BOMBEIROS MUNISÍPIU COVALIMA TESI AI NE’EBÉ IHA ESTRADA PÚBLIKU
Covalima, 14 Marsu 2025 - Korpu Bombeiros Munisípiu Covalima tesi ai ne'ebé monu taka estrada públiku tamba impaktu husi udan ho anin bo’ot ne'ebé akontese iha loron 13 Marsu horseik iha Aldeia Leogore, Suku Holpilat, Postu Administrativu Maukatar, Munisípiu...