BRISBANE, 19 Setembru 2022 – Delegasaun Protesaun Timor-Leste ne´ebe lidera hosi Sekretariu Estadu Protesaun Sivil, Joaquim Gusmão Martins no Prezidenti Autoridade Proteção Civil (APC), Superintedente Polisia Ismael da Costa Babo, M.Sc partisipa Asia-Pacific Ministerial Conference on Disaster Risk Reduction (APMCDRR) ne´ebe realiza iha Brisbane, Australia hahu 19 to´o 22 Setembru 2022.
Antes partisipa APMCDRR, Sekretariu Estadu Protesaun Sivil, Joaquim Gusmão Martins hamutuk ho Prezidenti APC, Superintedente Polisia Ismael da Costa Babo, M.Sc ho Direitor Nasional Bombeiros, Claudio da Silva halo vizita iha Darwin, Northern Territory.
Iha Darwin delegasaun vizita Universidade Charles Dawin University hodi hare´e kolaborasaun entre Protesaun Sivil ho Charles Darwin University hodi hasaé kapasidade no skill funsionariu APC kona-ba Responde Dezastre.
Hafoin vizita ne´e, Charles Darwin University mos konfirma ona sei vizita Kuartel Protesaun Sivil hodi follow up inkontru no dezemvolve Memorandum de Intendementu (MoU) kolaborasaun nian.
Alende ne´e, delegasaun mos halo vizita ba Polisia Northern Territory, Bombeiros no Servisu Emerjensia no simu hosi CEO, Jammie Chalker.
Sua Excellencia Joaquim Gusmão Martins hateten objetivu vizita ne´e hodi buka koperasaun iha futuru ba mentores no treinamentu ba programa desenvolve kapasitasaun internal ba funsionariu Autoridade Protesaun Sivil.
Iha Brisbane, alende partisipa APMCDRR, Prezidenti APC sei halo inkontru bilateral ho JICA, Banku Mundial no IOM.
Delegasaun Protesaun Sivil Timor-Leste alende hosi SEPS no APC, partisipa mos parseiru protesaun sivil sira hosi NGO Nasional no Internasional.
Caption Photos: Delegasaun Timor-Leste ne´ebe lidera hosi Sekretariu Estadu Protesuan Sivil, Joaquim Gusmão Martins foto hamutuk ho Delegasaun Protesaun Sivil Australia iha ambitu diskusaun ba koperasaun bilateral.
File foto: APMC
——————————
Notisia Seluk
APC PARTISIPA IHA FORUM NASIONÁL MONSOON
Dili, 15 Novembru 2023 - Autoridade Proteção Civíl (APC) reprezenta husi Diretór Gabinete Relasaun Externa no Komunikasaun, Anacleto Caetano partisipa iha Forum Nasional Monsoon ba dala 6 iha Salaun Arkivu no Muzeu Rezisténsia Dili, Timor-Leste. Objetivu husi Forum...
APC APOIU BE’E MOS BA KOMUNIDADE SIRA
RAEOA. 15 Novembru 2023-Autoridade Proteção Civil (APC) liuhusi Komando APC RAEOA, Korpo Bombeirus Apoiu be'e mos ba komunidade sira relasiona ho mudansa klima iha RAEOA ne’ebé fó Impaktu bailoron naruk nomós be'e menus. Ho ida ne'e Komando APC RAEOA, Korpo...
APC Hala’o Kampaña Edukativu Iha Eskola Manufahi
Manufahi, 14 Novembru 2023-Autoridade Proteção Civil (APC) liuhusi Diresaun Nasional Jestaun Risku Dezastre (DNGRD) hala’o atividade kampaña edukativu ba estudante sira iha eskola EBC Kolokau, EBC Danna no eskola EBC Sesurai Munisípiu Manufahi Sexta-Feira semana...