BRISBANE, 19 Setembru 2022 – Delegasaun Protesaun Timor-Leste ne´ebe lidera hosi Sekretariu Estadu Protesaun Sivil, Joaquim Gusmão Martins no Prezidenti Autoridade Proteção Civil (APC), Superintedente Polisia Ismael da Costa Babo, M.Sc partisipa Asia-Pacific Ministerial Conference on Disaster Risk Reduction (APMCDRR) ne´ebe realiza iha Brisbane, Australia hahu 19 to´o 22 Setembru 2022.
Antes partisipa APMCDRR, Sekretariu Estadu Protesaun Sivil, Joaquim Gusmão Martins hamutuk ho Prezidenti APC, Superintedente Polisia Ismael da Costa Babo, M.Sc ho Direitor Nasional Bombeiros, Claudio da Silva halo vizita iha Darwin, Northern Territory.
Iha Darwin delegasaun vizita Universidade Charles Dawin University hodi hare´e kolaborasaun entre Protesaun Sivil ho Charles Darwin University hodi hasaé kapasidade no skill funsionariu APC kona-ba Responde Dezastre.
Hafoin vizita ne´e, Charles Darwin University mos konfirma ona sei vizita Kuartel Protesaun Sivil hodi follow up inkontru no dezemvolve Memorandum de Intendementu (MoU) kolaborasaun nian.
Alende ne´e, delegasaun mos halo vizita ba Polisia Northern Territory, Bombeiros no Servisu Emerjensia no simu hosi CEO, Jammie Chalker.
Sua Excellencia Joaquim Gusmão Martins hateten objetivu vizita ne´e hodi buka koperasaun iha futuru ba mentores no treinamentu ba programa desenvolve kapasitasaun internal ba funsionariu Autoridade Protesaun Sivil.
Iha Brisbane, alende partisipa APMCDRR, Prezidenti APC sei halo inkontru bilateral ho JICA, Banku Mundial no IOM.
Delegasaun Protesaun Sivil Timor-Leste alende hosi SEPS no APC, partisipa mos parseiru protesaun sivil sira hosi NGO Nasional no Internasional.
Caption Photos: Delegasaun Timor-Leste ne´ebe lidera hosi Sekretariu Estadu Protesuan Sivil, Joaquim Gusmão Martins foto hamutuk ho Delegasaun Protesaun Sivil Australia iha ambitu diskusaun ba koperasaun bilateral.
File foto: APMC
——————————
Notisia Seluk
𝐆𝐑𝐄𝐊 𝐊𝐎𝐍𝐕𝐎𝐊𝐀 𝐄𝐍𝐊𝐎𝐍𝐓𝐑𝐔 𝐊𝐎𝐏𝐄𝐑𝐀𝐒𝐀𝐔𝐍 𝐒𝐄𝐑𝐕𝐈𝐒𝐔 𝐇𝐎 𝐀𝐇𝐏, 𝐖𝐅𝐏, 𝐓𝐓
Dili-Autoridade Proteção Civil (APC) liuhusi Diretór Gabinete Relasaun Externa no Komunikasaun (GREK), Cesario da Silva Marques ho Diretór sesante DNJRD, Agustinho Cosme Belo iha 06 fevereiru 2024 semana kotuk konvoka enkontru koperasaun servisu ho Australian...
PREZIDENTI APC ENSERA FORMASAUN BA FUNSIONÁRIU KONTRATADU 111
Dili, 06 Fevereiru 2024- Prezidenti Autoridade Proteção Civil (APC), Superintendente Polisia Ismael da Costa Babo, akompaña husi Diretór GPEA Paulo Exposto ho Diretór DNGR, Virgilio dos Santos Soares, Tersa-Feira ne’e iha salaun APC, Kaikoli. Entretantu, formasaun...
KORPO BOMBEIROS MANUFAHI ASEGURA VÍTIMA IDA AI SONA LORI BA OSPITAL SAME
Manufahi, 10 fevereiro 2024- Autoridade Protesaun Sivil Munisípiu Manufahi liuhusi servisu Corpo Bombeiros Munisípiu Manufahi evakua vítima ida ai sona ho naran Leoeda Lopes de Marsa idade tinan hitu (7) husi Aldeia Manico Suco Babulo hodi hetan tratamentu intensivu...