BRISBANE, 19 Setembru 2022 – Delegasaun Protesaun Timor-Leste ne´ebe lidera hosi Sekretariu Estadu Protesaun Sivil, Joaquim Gusmão Martins no Prezidenti Autoridade Proteção Civil (APC), Superintedente Polisia Ismael da Costa Babo, M.Sc partisipa Asia-Pacific Ministerial Conference on Disaster Risk Reduction (APMCDRR) ne´ebe realiza iha Brisbane, Australia hahu 19 to´o 22 Setembru 2022.
Antes partisipa APMCDRR, Sekretariu Estadu Protesaun Sivil, Joaquim Gusmão Martins hamutuk ho Prezidenti APC, Superintedente Polisia Ismael da Costa Babo, M.Sc ho Direitor Nasional Bombeiros, Claudio da Silva halo vizita iha Darwin, Northern Territory.
Iha Darwin delegasaun vizita Universidade Charles Dawin University hodi hare´e kolaborasaun entre Protesaun Sivil ho Charles Darwin University hodi hasaé kapasidade no skill funsionariu APC kona-ba Responde Dezastre.
Hafoin vizita ne´e, Charles Darwin University mos konfirma ona sei vizita Kuartel Protesaun Sivil hodi follow up inkontru no dezemvolve Memorandum de Intendementu (MoU) kolaborasaun nian.
Alende ne´e, delegasaun mos halo vizita ba Polisia Northern Territory, Bombeiros no Servisu Emerjensia no simu hosi CEO, Jammie Chalker.
Sua Excellencia Joaquim Gusmão Martins hateten objetivu vizita ne´e hodi buka koperasaun iha futuru ba mentores no treinamentu ba programa desenvolve kapasitasaun internal ba funsionariu Autoridade Protesaun Sivil.
Iha Brisbane, alende partisipa APMCDRR, Prezidenti APC sei halo inkontru bilateral ho JICA, Banku Mundial no IOM.
Delegasaun Protesaun Sivil Timor-Leste alende hosi SEPS no APC, partisipa mos parseiru protesaun sivil sira hosi NGO Nasional no Internasional.
Caption Photos: Delegasaun Timor-Leste ne´ebe lidera hosi Sekretariu Estadu Protesuan Sivil, Joaquim Gusmão Martins foto hamutuk ho Delegasaun Protesaun Sivil Australia iha ambitu diskusaun ba koperasaun bilateral.
File foto: APMC
——————————
Notisia Seluk
KORPU BOMBEIROS RAEOA TESI AI AKAR HUN NE’EBÉ MONU HANEHAN UMA KOMUNIDADE
RAEOA, 12 Marsu 2025 - Korpu Bombeiros RAEOA liu husi Xefe ekipa Brigada II Henrique da Costa, Xefe Departamentu Resposta no Emerjénsia; Amancio da Conceição, hamutuk ho ekipa tesi ai akar hun ida ne’ebé monu hanehan komunidade Nelson do Santos nia uma tamba kauza...
APC ERMERA TESI AI NE’EBÉ MONU IHA ESTRADA LETEFOHO
Ermera,12 Marsu 2025 - Xefe Brigada II Korpu Bombeiros Munisípiu Ermera Gil da Costa Barros hamutuk ho ekipa tun direta hodi tesi ai ne'ebé tohar no monu iha estrada públika, hodi normaliza fila-fali movimentu transporte públika iha diresaun Postu Administrativu...
APC ERMERA HALO VERIFIKASAUN BA VÍTIMA DEZASTRE IHA POSTU ADMINISTRATIVU ATSABE
Ermera,12 Marsu 2025 - Autoridade Protssaun Sivíl Munisípiu Ermera lidera husi Xefe Gabinete Diresaun Nasional Rekooperasun Munisípiu Ermera Filomena Soares hamutuk ho ekipa hala'o verifikasaun ba vítima dezastre hamutuk uma kain (20), iha Postu Administrativu...