BRISBANE, 19 Setembru 2022 – Delegasaun Protesaun Timor-Leste ne´ebe lidera hosi Sekretariu Estadu Protesaun Sivil, Joaquim Gusmão Martins no Prezidenti Autoridade Proteção Civil (APC), Superintedente Polisia Ismael da Costa Babo, M.Sc partisipa Asia-Pacific Ministerial Conference on Disaster Risk Reduction (APMCDRR) ne´ebe realiza iha Brisbane, Australia hahu 19 to´o 22 Setembru 2022.
Antes partisipa APMCDRR, Sekretariu Estadu Protesaun Sivil, Joaquim Gusmão Martins hamutuk ho Prezidenti APC, Superintedente Polisia Ismael da Costa Babo, M.Sc ho Direitor Nasional Bombeiros, Claudio da Silva halo vizita iha Darwin, Northern Territory.
Iha Darwin delegasaun vizita Universidade Charles Dawin University hodi hare´e kolaborasaun entre Protesaun Sivil ho Charles Darwin University hodi hasaé kapasidade no skill funsionariu APC kona-ba Responde Dezastre.
Hafoin vizita ne´e, Charles Darwin University mos konfirma ona sei vizita Kuartel Protesaun Sivil hodi follow up inkontru no dezemvolve Memorandum de Intendementu (MoU) kolaborasaun nian.
Alende ne´e, delegasaun mos halo vizita ba Polisia Northern Territory, Bombeiros no Servisu Emerjensia no simu hosi CEO, Jammie Chalker.
Sua Excellencia Joaquim Gusmão Martins hateten objetivu vizita ne´e hodi buka koperasaun iha futuru ba mentores no treinamentu ba programa desenvolve kapasitasaun internal ba funsionariu Autoridade Protesaun Sivil.
Iha Brisbane, alende partisipa APMCDRR, Prezidenti APC sei halo inkontru bilateral ho JICA, Banku Mundial no IOM.
Delegasaun Protesaun Sivil Timor-Leste alende hosi SEPS no APC, partisipa mos parseiru protesaun sivil sira hosi NGO Nasional no Internasional.
Caption Photos: Delegasaun Timor-Leste ne´ebe lidera hosi Sekretariu Estadu Protesuan Sivil, Joaquim Gusmão Martins foto hamutuk ho Delegasaun Protesaun Sivil Australia iha ambitu diskusaun ba koperasaun bilateral.
File foto: APMC
——————————
Notisia Seluk
APC Baucau Partisipa Seremónia Hasa’e Bandeira Nasionál
Baucau, 5 Agustu 2024- Komando Operasionál Autoridade Protesaun Sivíl (APC) Munisípiu Baucau ne’ebé lidera husi Komandante, Francisco Viana Freitas akompaña Komandante Korpu Bombeiros Munisípiu Baucau Cristalina Fraga Correia, Xefe Gabinete Munisipál Jestaun Rekursu...
AKAR HUN IDA MONU HANEHAN UMA IDA IHA UATULOLI
Viqueque, 5 Agustu 2024-Autoridade Protesaun Sivíl (APC) Munisípiu Viqueuqe liuhusi Xefe Gabinete Munisipál Jestaun Risku Dezastre Eugenio Gutteres ho ekipa APC halo verifikasaun uma Bernardo Espirito Santo ho idade 58 anos ne’ebé hetan estragus tamba akar hun ...
APC MANUFAHI APOIU AIHAN BA FAMÍLIA SAUDOZU ANTÓNIO AI BAKU MATE IHA TURISKAI
Manufahi, 5 Agostu 2024-Autoridade Protesaun SivÍl (APC) Munisípiu Manufahi liuhusi Xefe Gabinete Munispál Jestaun Risku Dezastre Joni da Costa T. Martins, segundo komandante Bombeiros José Reis no ekipa iha Loron sesta-feira, 2 Agustus 2024 submete ona apoiu...