BRISBANE, 19 Setembru 2022 – Delegasaun Protesaun Timor-Leste ne´ebe lidera hosi Sekretariu Estadu Protesaun Sivil, Joaquim Gusmão Martins no Prezidenti Autoridade Proteção Civil (APC), Superintedente Polisia Ismael da Costa Babo, M.Sc partisipa Asia-Pacific Ministerial Conference on Disaster Risk Reduction (APMCDRR) ne´ebe realiza iha Brisbane, Australia hahu 19 to´o 22 Setembru 2022.
Antes partisipa APMCDRR, Sekretariu Estadu Protesaun Sivil, Joaquim Gusmão Martins hamutuk ho Prezidenti APC, Superintedente Polisia Ismael da Costa Babo, M.Sc ho Direitor Nasional Bombeiros, Claudio da Silva halo vizita iha Darwin, Northern Territory.
Iha Darwin delegasaun vizita Universidade Charles Dawin University hodi hare´e kolaborasaun entre Protesaun Sivil ho Charles Darwin University hodi hasaé kapasidade no skill funsionariu APC kona-ba Responde Dezastre.
Hafoin vizita ne´e, Charles Darwin University mos konfirma ona sei vizita Kuartel Protesaun Sivil hodi follow up inkontru no dezemvolve Memorandum de Intendementu (MoU) kolaborasaun nian.
Alende ne´e, delegasaun mos halo vizita ba Polisia Northern Territory, Bombeiros no Servisu Emerjensia no simu hosi CEO, Jammie Chalker.
Sua Excellencia Joaquim Gusmão Martins hateten objetivu vizita ne´e hodi buka koperasaun iha futuru ba mentores no treinamentu ba programa desenvolve kapasitasaun internal ba funsionariu Autoridade Protesaun Sivil.
Iha Brisbane, alende partisipa APMCDRR, Prezidenti APC sei halo inkontru bilateral ho JICA, Banku Mundial no IOM.
Delegasaun Protesaun Sivil Timor-Leste alende hosi SEPS no APC, partisipa mos parseiru protesaun sivil sira hosi NGO Nasional no Internasional.
Caption Photos: Delegasaun Timor-Leste ne´ebe lidera hosi Sekretariu Estadu Protesuan Sivil, Joaquim Gusmão Martins foto hamutuk ho Delegasaun Protesaun Sivil Australia iha ambitu diskusaun ba koperasaun bilateral.
File foto: APMC
——————————
Notisia Seluk
APC MUNISÍPIU BAUCAU TESI AI HUN NE’EBÉ FÓ AMESA MOVIMENTU PÚBLIKU
Baucau, 06 Fevereiru 2025 - Komando APC Munisípiu Baucau liu husi Xefe Brigada III Korpu Bombeiros Norberto da Silva tesi ai maran ne'ebé fó ameasa ba movimentu transporte públiku no ema iha estrada diresaun Suku Bahu, Postu Administrativu Baucau Vila, Munisípiu...
KORPU BOMBEIROS MUNISÍPIU AINARO EVAKUA VÍTIMA NE’EBÉ KANEK
Ainaro, 06 Marsu 2025 - Autoridade Protesaun Sivíl liu husi Komandante Korpu Bombeiros Munisípiu Ainaro Domingos da Silva hamutuk ho ekipa evakua vítima Henrique Monis ne'ebé hetan ta'a tamba hadau malu rai iha Suku Mau-Nuno, Postu Administrativu Ainaro, Munisípiu...
AUTORIDADE PROTESAUN SIVÍL MUNISÍPIU BOBONARO APOIU PAKOTE EMERJÉNSIA BA VÍTIMA.
Bobonaro, 06 Marsu 2025 Autoridade Protesaun Sivíl Munisípiu Bobonaro lideradu husi xefe Departamentu Diresaun Nasionál Jestaun Risku Dezastre Cristiano Leonardo Lengo hamutuk ho ekipa hala’o identifikasaun ba vítima Serafina Silveira Tae ne’ebé nia uma hetan estragus...