BRISBANE, 19 Setembru 2022 – Delegasaun Protesaun Timor-Leste ne´ebe lidera hosi Sekretariu Estadu Protesaun Sivil, Joaquim Gusmão Martins no Prezidenti Autoridade Proteção Civil (APC), Superintedente Polisia Ismael da Costa Babo, M.Sc partisipa Asia-Pacific Ministerial Conference on Disaster Risk Reduction (APMCDRR) ne´ebe realiza iha Brisbane, Australia hahu 19 to´o 22 Setembru 2022.
Antes partisipa APMCDRR, Sekretariu Estadu Protesaun Sivil, Joaquim Gusmão Martins hamutuk ho Prezidenti APC, Superintedente Polisia Ismael da Costa Babo, M.Sc ho Direitor Nasional Bombeiros, Claudio da Silva halo vizita iha Darwin, Northern Territory.
Iha Darwin delegasaun vizita Universidade Charles Dawin University hodi hare´e kolaborasaun entre Protesaun Sivil ho Charles Darwin University hodi hasaé kapasidade no skill funsionariu APC kona-ba Responde Dezastre.
Hafoin vizita ne´e, Charles Darwin University mos konfirma ona sei vizita Kuartel Protesaun Sivil hodi follow up inkontru no dezemvolve Memorandum de Intendementu (MoU) kolaborasaun nian.
Alende ne´e, delegasaun mos halo vizita ba Polisia Northern Territory, Bombeiros no Servisu Emerjensia no simu hosi CEO, Jammie Chalker.
Sua Excellencia Joaquim Gusmão Martins hateten objetivu vizita ne´e hodi buka koperasaun iha futuru ba mentores no treinamentu ba programa desenvolve kapasitasaun internal ba funsionariu Autoridade Protesaun Sivil.
Iha Brisbane, alende partisipa APMCDRR, Prezidenti APC sei halo inkontru bilateral ho JICA, Banku Mundial no IOM.
Delegasaun Protesaun Sivil Timor-Leste alende hosi SEPS no APC, partisipa mos parseiru protesaun sivil sira hosi NGO Nasional no Internasional.
Caption Photos: Delegasaun Timor-Leste ne´ebe lidera hosi Sekretariu Estadu Protesuan Sivil, Joaquim Gusmão Martins foto hamutuk ho Delegasaun Protesaun Sivil Australia iha ambitu diskusaun ba koperasaun bilateral.
File foto: APMC
——————————
Notisia Seluk
APC Liquisa Tesi Ai Ne’ebé Monu Iha Humboe
Liquisa, 30 Jullu 2024-Autoridade Protesaun Sivíl (APC) liuhusi Corpo Bombeiros no Diresaun Nasional Jestaun Risku Dezastre (DNGRD) tesi ai ne’ebé monu hanehan uma komunidade ida. Iha tempu ne’ebé hanesan ekipa halo mós verifikasaun ba uma refere no vítima sira hetan...
KOMANDANTE APC BAUCAU HO ESTRUTURA SESANTE ENTREGA SERVISU BA KOMANANDANTE APC FOUN HO ESTRUTURA
Baucau, 30 Jullu 2024- Komando Autoridade Protesaun Sivíl (APC) Muníspiu Baucau hala’o Seremónia Entrega Servisu husi Komandante APC Sesante ho Estrutura tuan ba Komandante APC Foun ho Estrutura Foun. Iha seremónia Komandante APC Sesante Inspector Polisia Aleixo...
APC CoVALIMA APOIU EMERJÉNSIA NO VERIFIKA UMA IDA
Covalima, 30 Jullu 2024 - Autoridade Protesaun Sivíl (APC) Munisípiu Covalima hamutuk ho Xefe Departementu Dirasaun Nasional Jestaun Risku Dezastre (DNGRD) Lucas de Aaraujo halo verifika ba uma kain ida ne’ebé monu kauza husi udan ho anin ne’ebé akontense iha loron...