BRISBANE, 19 Setembru 2022 – Delegasaun Protesaun Timor-Leste ne´ebe lidera hosi Sekretariu Estadu Protesaun Sivil, Joaquim Gusmão Martins no Prezidenti Autoridade Proteção Civil (APC), Superintedente Polisia Ismael da Costa Babo, M.Sc partisipa Asia-Pacific Ministerial Conference on Disaster Risk Reduction (APMCDRR) ne´ebe realiza iha Brisbane, Australia hahu 19 to´o 22 Setembru 2022.
Antes partisipa APMCDRR, Sekretariu Estadu Protesaun Sivil, Joaquim Gusmão Martins hamutuk ho Prezidenti APC, Superintedente Polisia Ismael da Costa Babo, M.Sc ho Direitor Nasional Bombeiros, Claudio da Silva halo vizita iha Darwin, Northern Territory.
Iha Darwin delegasaun vizita Universidade Charles Dawin University hodi hare´e kolaborasaun entre Protesaun Sivil ho Charles Darwin University hodi hasaé kapasidade no skill funsionariu APC kona-ba Responde Dezastre.
Hafoin vizita ne´e, Charles Darwin University mos konfirma ona sei vizita Kuartel Protesaun Sivil hodi follow up inkontru no dezemvolve Memorandum de Intendementu (MoU) kolaborasaun nian.
Alende ne´e, delegasaun mos halo vizita ba Polisia Northern Territory, Bombeiros no Servisu Emerjensia no simu hosi CEO, Jammie Chalker.
Sua Excellencia Joaquim Gusmão Martins hateten objetivu vizita ne´e hodi buka koperasaun iha futuru ba mentores no treinamentu ba programa desenvolve kapasitasaun internal ba funsionariu Autoridade Protesaun Sivil.
Iha Brisbane, alende partisipa APMCDRR, Prezidenti APC sei halo inkontru bilateral ho JICA, Banku Mundial no IOM.
Delegasaun Protesaun Sivil Timor-Leste alende hosi SEPS no APC, partisipa mos parseiru protesaun sivil sira hosi NGO Nasional no Internasional.
Caption Photos: Delegasaun Timor-Leste ne´ebe lidera hosi Sekretariu Estadu Protesuan Sivil, Joaquim Gusmão Martins foto hamutuk ho Delegasaun Protesaun Sivil Australia iha ambitu diskusaun ba koperasaun bilateral.
File foto: APMC
——————————
Notisia Seluk
AI HANEHAN UMA IDA IHA SUKU DAUDERE
Lautém, 12 Setembru 2024 - Insidente ne'e akontese iha tuku; 15:40 OTL iha loron 12/09/2024 ba vítima afetadu; Victor da Costa ne’ebé nia uma ai hanehan monu tamba kauza husi anin boot iha Aldeia Anarua, Suku Daudere, Postu Administrativu Lautém. Bainhira simu...
APC MUNISÍPIU AILEU KOMBANTE INSÉNDIU FLORESTÁL
Aileu, 12 Setembru 2024-Autoridade Protesaun Sivíl (APC) Munisípiu Aileu lidera husi Xefe Brigada III-Korpu Bombeiros Bernado Mesquita hamutuk ho ekipa ba kombante inséndiu floresta iha kedas estrada bot dirasaun Aileu-Dili ne’ebé sunu husi ema deskoñesidu iha parte...
APC LIQUIÇA HALO VERIFIKASAUN NO APOIU EMERJÉNSIA
Liquiça, 12 Setembru 2024-Autoridade Protesaun Sivíl (APC) liuhusi Xefe Gabinete Munisipál Jestaun Risku Dezastre Jerónimo dos Santos Gonçalves hamutuk ho ekipa halo verifikasaun no apoiu pakote emerjénsia hanesan aihan no laos aihan ba Natalina da Silva ne’ebé nia...