BRISBANE, 19 Setembru 2022 – Delegasaun Protesaun Timor-Leste ne´ebe lidera hosi Sekretariu Estadu Protesaun Sivil, Joaquim Gusmão Martins no Prezidenti Autoridade Proteção Civil (APC), Superintedente Polisia Ismael da Costa Babo, M.Sc partisipa Asia-Pacific Ministerial Conference on Disaster Risk Reduction (APMCDRR) ne´ebe realiza iha Brisbane, Australia hahu 19 to´o 22 Setembru 2022.
Antes partisipa APMCDRR, Sekretariu Estadu Protesaun Sivil, Joaquim Gusmão Martins hamutuk ho Prezidenti APC, Superintedente Polisia Ismael da Costa Babo, M.Sc ho Direitor Nasional Bombeiros, Claudio da Silva halo vizita iha Darwin, Northern Territory.
Iha Darwin delegasaun vizita Universidade Charles Dawin University hodi hare´e kolaborasaun entre Protesaun Sivil ho Charles Darwin University hodi hasaé kapasidade no skill funsionariu APC kona-ba Responde Dezastre.
Hafoin vizita ne´e, Charles Darwin University mos konfirma ona sei vizita Kuartel Protesaun Sivil hodi follow up inkontru no dezemvolve Memorandum de Intendementu (MoU) kolaborasaun nian.
Alende ne´e, delegasaun mos halo vizita ba Polisia Northern Territory, Bombeiros no Servisu Emerjensia no simu hosi CEO, Jammie Chalker.
Sua Excellencia Joaquim Gusmão Martins hateten objetivu vizita ne´e hodi buka koperasaun iha futuru ba mentores no treinamentu ba programa desenvolve kapasitasaun internal ba funsionariu Autoridade Protesaun Sivil.
Iha Brisbane, alende partisipa APMCDRR, Prezidenti APC sei halo inkontru bilateral ho JICA, Banku Mundial no IOM.
Delegasaun Protesaun Sivil Timor-Leste alende hosi SEPS no APC, partisipa mos parseiru protesaun sivil sira hosi NGO Nasional no Internasional.
Caption Photos: Delegasaun Timor-Leste ne´ebe lidera hosi Sekretariu Estadu Protesuan Sivil, Joaquim Gusmão Martins foto hamutuk ho Delegasaun Protesaun Sivil Australia iha ambitu diskusaun ba koperasaun bilateral.
File foto: APMC
——————————
Notisia Seluk
APC BOBONARO DADA KARETA BASKULANTE IDA BAKU FILA
Bobonaro 11 Agustu 2024 Autoridade Protesaun Sivil Munisipiu Bobonaro liuhusi Xefe Korrpu III Korpu Bombeiros Teotonio Ferras de Oliveira halo intervensaun rápida hodi dada sai kareta baskulante ida baku fila, kauza husi kareta forsa laiha bainhira halai sa’e estrada...
– OFISIÁL APC PARTISIPA ASEAN LANGUAGE OF MEETINGS AND NEGOTIATION WORKSHOP FOR TIMOR-LESTE OFFICIALS
Dili, 12 Agustu 2024- Ofisiál nain tolu (3) husi Autoridade Protesaun Sivíl (APC), reprezenta Xefe Unidade Operasionál Terrestre Protesaun Sivíl Martinho Fátima, Xefe Seksaun Komunikasaun Agostinho Cosme Belo no Xefe Seksaun Relasaun Esterna Nelson Nunes Orleans husi...
PREZIDENTI APC PARTISIPA LORON ASEAN BA DALA-57
Dili, 08 Agustu 2024- Prezidenti Autoridade Protesaun Sivíl (APC), Jesuíno dos Reis de Matos Carvalho partisipa iha selebrasaun loron ASEAN ba dala-57 ho tema “Koneksaun no Reziliénsia Komunidade”, ne’ebé hala’o iha Ministériu Negósiu Estrangeiru no Koperasaun (MNEK),...