BRISBANE, 19 Setembru 2022 – Delegasaun Protesaun Timor-Leste ne´ebe lidera hosi Sekretariu Estadu Protesaun Sivil, Joaquim Gusmão Martins no Prezidenti Autoridade Proteção Civil (APC), Superintedente Polisia Ismael da Costa Babo, M.Sc partisipa Asia-Pacific Ministerial Conference on Disaster Risk Reduction (APMCDRR) ne´ebe realiza iha Brisbane, Australia hahu 19 to´o 22 Setembru 2022.
Antes partisipa APMCDRR, Sekretariu Estadu Protesaun Sivil, Joaquim Gusmão Martins hamutuk ho Prezidenti APC, Superintedente Polisia Ismael da Costa Babo, M.Sc ho Direitor Nasional Bombeiros, Claudio da Silva halo vizita iha Darwin, Northern Territory.
Iha Darwin delegasaun vizita Universidade Charles Dawin University hodi hare´e kolaborasaun entre Protesaun Sivil ho Charles Darwin University hodi hasaé kapasidade no skill funsionariu APC kona-ba Responde Dezastre.
Hafoin vizita ne´e, Charles Darwin University mos konfirma ona sei vizita Kuartel Protesaun Sivil hodi follow up inkontru no dezemvolve Memorandum de Intendementu (MoU) kolaborasaun nian.
Alende ne´e, delegasaun mos halo vizita ba Polisia Northern Territory, Bombeiros no Servisu Emerjensia no simu hosi CEO, Jammie Chalker.
Sua Excellencia Joaquim Gusmão Martins hateten objetivu vizita ne´e hodi buka koperasaun iha futuru ba mentores no treinamentu ba programa desenvolve kapasitasaun internal ba funsionariu Autoridade Protesaun Sivil.
Iha Brisbane, alende partisipa APMCDRR, Prezidenti APC sei halo inkontru bilateral ho JICA, Banku Mundial no IOM.
Delegasaun Protesaun Sivil Timor-Leste alende hosi SEPS no APC, partisipa mos parseiru protesaun sivil sira hosi NGO Nasional no Internasional.
Caption Photos: Delegasaun Timor-Leste ne´ebe lidera hosi Sekretariu Estadu Protesuan Sivil, Joaquim Gusmão Martins foto hamutuk ho Delegasaun Protesaun Sivil Australia iha ambitu diskusaun ba koperasaun bilateral.
File foto: APMC
——————————
Notisia Seluk
GREC-APC Konvoka Enkontru Ho UN Women
Dili, 25 Juñu 2024-Autoridade Protesaun Sivíl (APC) liuhosi ekipa Gabinete Relasaun Externa no Komunikasaun (GREK) sorumutu ho ekipa UN WOMEN iha Timor-Leste diskute no hare’e hamutuk konteúdu koperasaun ba kontinuadade entre APC-SEPC ho UN WOMEN ba oin. Tuir planu...
APC MANUFAHI PARTISIPA IHA KONSULTASAUN PÚBLIKU LEI AMBIENTÁL
Manufahi, 25 Juñu 2024-Autoridade Protesaun Sivíl (APC) Munisípiu Manufahi liuhusi Departemntu DNGRD delega funsionáriu nain ida ba partisipa iha programa konsultasaun públiku Lei Ambientál mudansa klimátika iha Munisípiu Ainaro. Vizaun jerál husi konsultasaun públiku...
GIAI REALIZA DESIMINASAUN INSPESAUN NO AUDITÓRIA
Dili, 25 Juñu 2024-Autoridade Protesaun Sivíl liu hosi Gabinete Inspesaun no Auditoria Interna (APC-GIAI) realiza primeira desiminasaun ho tema “Inspesaun no Auditória hodi Garante Sistema Boa Governasaun iha APC-SEPC foku liubá ba kargu xefia sira hanesan nível...