BRISBANE, 19 Setembru 2022 – Delegasaun Protesaun Timor-Leste ne´ebe lidera hosi Sekretariu Estadu Protesaun Sivil, Joaquim Gusmão Martins no Prezidenti Autoridade Proteção Civil (APC), Superintedente Polisia Ismael da Costa Babo, M.Sc partisipa Asia-Pacific Ministerial Conference on Disaster Risk Reduction (APMCDRR) ne´ebe realiza iha Brisbane, Australia hahu 19 to´o 22 Setembru 2022.
Antes partisipa APMCDRR, Sekretariu Estadu Protesaun Sivil, Joaquim Gusmão Martins hamutuk ho Prezidenti APC, Superintedente Polisia Ismael da Costa Babo, M.Sc ho Direitor Nasional Bombeiros, Claudio da Silva halo vizita iha Darwin, Northern Territory.
Iha Darwin delegasaun vizita Universidade Charles Dawin University hodi hare´e kolaborasaun entre Protesaun Sivil ho Charles Darwin University hodi hasaé kapasidade no skill funsionariu APC kona-ba Responde Dezastre.
Hafoin vizita ne´e, Charles Darwin University mos konfirma ona sei vizita Kuartel Protesaun Sivil hodi follow up inkontru no dezemvolve Memorandum de Intendementu (MoU) kolaborasaun nian.
Alende ne´e, delegasaun mos halo vizita ba Polisia Northern Territory, Bombeiros no Servisu Emerjensia no simu hosi CEO, Jammie Chalker.
Sua Excellencia Joaquim Gusmão Martins hateten objetivu vizita ne´e hodi buka koperasaun iha futuru ba mentores no treinamentu ba programa desenvolve kapasitasaun internal ba funsionariu Autoridade Protesaun Sivil.
Iha Brisbane, alende partisipa APMCDRR, Prezidenti APC sei halo inkontru bilateral ho JICA, Banku Mundial no IOM.
Delegasaun Protesaun Sivil Timor-Leste alende hosi SEPS no APC, partisipa mos parseiru protesaun sivil sira hosi NGO Nasional no Internasional.
Caption Photos: Delegasaun Timor-Leste ne´ebe lidera hosi Sekretariu Estadu Protesuan Sivil, Joaquim Gusmão Martins foto hamutuk ho Delegasaun Protesaun Sivil Australia iha ambitu diskusaun ba koperasaun bilateral.
File foto: APMC
——————————
Notisia Seluk
APC MANUFAHI FORNSE PAKOTE EMERJÉNSIA BA UMA KAIN IDA IHA SUKU HOLARUA
Manufahi, 20 Dezembru-2024 Autoridade Protesaun Sivíl Munisípiu Manufahi lidera husi Komandante APC Manufahi Manuel da Silva akompaña husi estrutura hala’o verifikasaun no fornse pakotye emerjénsia hanesan aihan no laos aihan ba vítima Felizmino do Carmo ne’ebé nia...
APC BAUCAU FORNESE APOIA EMERJÉRNSIA BA UMA 18 IHA MUNISÍPIU BAUCAU
Baucau,19 Dezembru 2024-Autoridade Protesaun Sivíl Munisípiu Baucau liu husi Gabinete Rekoperasaun ho funsionáriu APC fornese pakote emerjénsia ba vítima uma kain hamutuk nain18 ne’ebé sira nia uma hetan estragus tamba kauza husi anin boot ne’ebé akontese iha fulan...
APC AILEU HO PARSEIRU JESTAUN RISKU DEZASTRE MUNISÍPIU AILEU HALO SENSIBILIZASAUN IHA SUKU BANDUDATO
Aileu, 19 Dezembru 2024-Autoridade Protesaun Sivíl Munisípiu Aileu (APC) ne’ebé mak servisu hamutuk ho parseiru Jestaun Risku Dezastre Munisipál halo sensilizasaun kona-bá Jestaun Risku Dezastreno mitigasaun ba komunidade sira AldeiaTaibolor, Suku Bandudato, Postu...