MAUBESSI, 29 Setembru 2022 – Autoridade Protesaun Sivíl liuhusi Diretór Diresaun Nasionál Prevensaun Konflitu Komunitáriu (DNPKK), António Viegas sai oradór iha diálogu hodi ko’alia kona-ba harii pás, prevensaun no rezolusaun konflitu, ne’ebé organiza hosi Ministériu Solidariedade Sosiál no Inkluzaun-(MSSI) iha Suku Maubessi, Postu Administrativu Maubessi Villa, Munisípiu Ainaro.
Diretór DNPKK António Viegas konsidera diálogu importante bele lori solusaun di’ak ba problema iha komunidade, nunee bele kria pás no estabilidade.
“Agradese tebes ho diálogu ne’ebé organiza hosi MSSI nuudar meius di’ak ida atu fó solusaun ba problema iha komunidade, hahú kedas nível aldeia, suku, postu to’o, munisípiu. Hanesan lema DNPKK nian Di’ak Liu Prevene, Duké Kura,” haktuir Diretór DNPKK.
Diretór António hateten, “Inan aman sira iha suku Maubessi atu fó atensaun ba oan sira atu labele envolve iha konflitu, tanba konflitu sei fó impaktu negativu ba oan sira nia-an bele mate, kanek, no ba ospitál. Oan sira tenke hadook an hosi konflitu atu labele pertuba estabilidade no seguransa iha laran, nunee bele fó biban ba ita-nia seguransa PNTL ho F-FDTL atu konsentra no fó atensaun seguransa ba área fronteira rai maran no tasi nian, atu proteje ita-nia riku so’i tasi nian hanesan ikan, ne’ebé tinan-tinan lakon.”
Iha parte seluk, Direjente DNPKK fundamenta Maubessi rai bokur no potensiál tebes ba produtu horte kultura, ne’ebé bele hasa’e rendementu moris família nian, tanba ne’e persija joven sira-nia kreativu no badinas atu dezenvolve Maubessi.
Ikus liu, Oradór DNPKK ne’e, husik hela mensajen ikus, no alerta ba komunidade Maubessi atu kuidadu-an hosi risku dezastre naturais liuliu iha tempu udan, anin no rai monu. Buat importante ida mak komunidade labele halo uma iha fatin risku, no labele tesi ai-horis arbiru.
Caption Photos: Diretor DNPKK, Antonio Viegas wainhira sai orador iha Dialogu komunitaria ne´ebe halao iha Maubessi, Munisipiu Ainaro.
File foto: Maibessi
——————————————-
Notisia Seluk
APC Manatuto Halo Lavajen Iha Estrada Protokolu Manatuto
Manatuto, 13 Juñu 2024-Comando Autoridade Protesaun Sivíl (APC) Munisípiu Manatuto ne’ebé lidera husi Inspetor Polísia Tome da Costa liuhusi Corpo Bombeiros ne’ebé lidera husi Simão da Costa Soares ho Ekipa ohin hala'o lavajen ba iha estrada públiku no fatin...
𝐒𝐄𝐏𝐂 𝐇𝐎 𝐖𝐅𝐏 𝐒𝐄𝐋𝐄𝐁𝐑𝐀 𝐀𝐊𝐎𝐑𝐃𝐔 𝐇𝐎𝐃𝐈 𝐀𝐏𝐎𝐈𝐔 𝐀𝐈 𝐇𝐀𝐍 𝐁𝐀 𝐊𝐎𝐌𝐔𝐍𝐈𝐃𝐀𝐃𝐄 𝐕𝐔𝐋𝐍𝐄𝐑Á𝐕𝐄𝐋
Dili, 13 Juñu 2024-𝐒𝐮𝐚 𝐄𝐱𝐞𝐥𝐞𝐧𝐬𝐢𝐚 𝐒𝐞𝐤𝐫𝐞𝐭𝐚𝐫𝐢𝐮 𝐄𝐬𝐭𝐚𝐝𝐮 𝐏𝐫𝐨𝐭𝐞𝐬𝐚𝐮𝐧 𝐒𝐢𝐯𝐢𝐥 (𝐒𝐄𝐏𝐂), 𝐃𝐨𝐦𝐢𝐧𝐠𝐨𝐬 𝐌𝐚𝐫𝐢𝐚𝐧𝐨 𝐑𝐞𝐢𝐬 𝐬𝐞𝐥𝐞𝐛𝐫𝐚 𝐚𝐤𝐨𝐫𝐝𝐮, 𝐡𝐨 𝐑𝐞𝐩𝐫𝐞𝐬𝐞𝐧𝐭𝐚𝐭𝐢𝐯𝐞 𝐂𝐨𝐮𝐧𝐭𝐫𝐲 𝐃𝐢𝐫𝐞𝐜𝐭𝐨𝐫, 𝐖𝐨𝐫𝐥𝐝 𝐅𝐨𝐨𝐝 𝐏𝐫𝐨𝐠𝐫𝐚𝐦𝐦𝐞 (𝐖𝐅𝐏) 𝐢𝐡𝐚 𝐓𝐢𝐦𝐨𝐫-𝐋𝐞𝐬𝐭𝐞, 𝐀𝐥𝐛𝐚 𝐂𝐞𝐜𝐢𝐥𝐢𝐚 𝐆𝐚𝐫𝐳𝐨𝐧 𝐎𝐥𝐢𝐯𝐚𝐫𝐞𝐬 𝐡𝐨𝐝𝐢 𝐚𝐩𝐨𝐢𝐮 𝐚𝐢 𝐡𝐚𝐧 𝐛𝐚 𝐤𝐨𝐦𝐮𝐧𝐢𝐝𝐚𝐝𝐞 𝐯𝐮𝐥𝐧𝐞𝐫𝐚𝐯𝐞𝐥...
KOMANDO AUTORIDADE PROTESAUN SIVÍL MUNISÍPIU AILEU HALO SENSEBILIZASAUN LEI PROTESAUN SIVÍL NO PAPÉL CB
Aileu,13 Juñu 2024-Autoridade Protesaun Sivil (APC) Munisípiu Aileu (APC) kontinua halo sensebilizasaun ba Lei Protesaun Sivil nian no Papel CB nian. Formasaun ne’e hetan apoiu husi Jestaun Risku Dezastre Munisipál Aileu. Partisipa iha formasaun ne’e husi Autoridade...