MAUBESSI, 29 Setembru 2022 – Autoridade Protesaun Sivíl liuhusi Diretór Diresaun Nasionál Prevensaun Konflitu Komunitáriu (DNPKK), António Viegas sai oradór iha diálogu hodi ko’alia kona-ba harii pás, prevensaun no rezolusaun konflitu, ne’ebé organiza hosi Ministériu Solidariedade Sosiál no Inkluzaun-(MSSI) iha Suku Maubessi, Postu Administrativu Maubessi Villa, Munisípiu Ainaro.
Diretór DNPKK António Viegas konsidera diálogu importante bele lori solusaun di’ak ba problema iha komunidade, nunee bele kria pás no estabilidade.
“Agradese tebes ho diálogu ne’ebé organiza hosi MSSI nuudar meius di’ak ida atu fó solusaun ba problema iha komunidade, hahú kedas nível aldeia, suku, postu to’o, munisípiu. Hanesan lema DNPKK nian Di’ak Liu Prevene, Duké Kura,” haktuir Diretór DNPKK.
Diretór António hateten, “Inan aman sira iha suku Maubessi atu fó atensaun ba oan sira atu labele envolve iha konflitu, tanba konflitu sei fó impaktu negativu ba oan sira nia-an bele mate, kanek, no ba ospitál. Oan sira tenke hadook an hosi konflitu atu labele pertuba estabilidade no seguransa iha laran, nunee bele fó biban ba ita-nia seguransa PNTL ho F-FDTL atu konsentra no fó atensaun seguransa ba área fronteira rai maran no tasi nian, atu proteje ita-nia riku so’i tasi nian hanesan ikan, ne’ebé tinan-tinan lakon.”
Iha parte seluk, Direjente DNPKK fundamenta Maubessi rai bokur no potensiál tebes ba produtu horte kultura, ne’ebé bele hasa’e rendementu moris família nian, tanba ne’e persija joven sira-nia kreativu no badinas atu dezenvolve Maubessi.
Ikus liu, Oradór DNPKK ne’e, husik hela mensajen ikus, no alerta ba komunidade Maubessi atu kuidadu-an hosi risku dezastre naturais liuliu iha tempu udan, anin no rai monu. Buat importante ida mak komunidade labele halo uma iha fatin risku, no labele tesi ai-horis arbiru.
Caption Photos: Diretor DNPKK, Antonio Viegas wainhira sai orador iha Dialogu komunitaria ne´ebe halao iha Maubessi, Munisipiu Ainaro.
File foto: Maibessi
——————————————-
Notisia Seluk
APC RAEOA Fó Apoia Emerjénsia Ba Vítima Dezastre
RAEOA, 6 Juñu 2024- Autoridade Protesaun Sivíl (APC) Komandante Operasional Inspektur Xefe Polisia Herman Metan hamutuk ho ekipa fó apoiu emerjénsia ba vítima ne'ebé hetan dezastre. Akontesimentu husi dezastre ne'e iha 4 Juñu 2024, impaktu husi anin bo'ot rezulta uma...
APC Vikeke Kontinua Verifika Uma Komunidade Ne’ebé Afeita Ba Dezastre
Vikeke, 5 Juñu 2024-Autoridade Protesaun Sivíl (APC) Munisípiu Vikeke lideradu husi Komandante Operasional APC Vikeke Inspetór Polisia Matias da Silva liuhusi Diresaun Nasionál Jestaun Risku ba Dezastre (DNGRD) hala'o verifikasaun ba uma komunidade nian ida ne’ebé...
𝐊𝐎𝐌𝐏𝐀𝐍̃𝐈𝐀 𝐁𝐃𝐎 𝐋𝐋𝐏 𝐇𝐀𝐋𝐎 𝐀𝐔𝐃𝐈𝐓𝐎́𝐑𝐈𝐔 𝐁𝐀 𝐈𝐌𝐏𝐋𝐄𝐌𝐄𝐍𝐓𝐀𝐒𝐀𝐔𝐍 𝐏𝐑𝐎𝐉𝐄𝐓𝐔 𝐔𝐍 𝗪𝗢𝗠𝗘𝗡 𝐍𝐈𝐀𝐍 𝐈𝐇𝐀 𝐀𝐏𝐂
𝗗𝗶𝗹𝗶, 𝟬𝟱 J𝘂𝗻̃𝘂 𝟮𝟬𝟮𝟰-𝗞𝗼𝗺𝗽𝗮𝗻̃𝗶𝗮 𝗜𝗻𝘁𝗲𝗿𝗻𝗮𝘀𝗶𝗼𝗻𝗮́𝗹 𝗕𝗱𝗼 𝗟𝗟𝗣 𝗵𝗼𝘀𝗶 𝗻𝗮𝘀𝗮𝘂𝗻 𝗜𝗻𝗴𝗹𝗮𝘁𝗲𝗿𝗮 𝘀𝗲𝗿𝘃𝗶𝘀𝘂 𝗵𝗮𝗺𝘂𝘁𝘂𝗸 𝗵𝗼 𝗨𝗡 𝗪𝗢𝗠𝗘𝗡 𝗵𝗮𝗹𝗼 𝗔𝘂𝗱𝗶𝘁𝗼́𝗿𝗶𝗮 𝗯𝗮 𝗿𝗲𝘇𝘂𝗹𝘁𝗮𝗱𝘂 𝗶𝗺𝗽𝗹𝗲𝗺𝗮𝗻𝘁𝗮𝘀𝗮𝘂𝗻 𝗽𝗿𝗼𝗷𝗲𝘁𝘂 𝘀𝗶𝗿𝗮 𝗻𝗲’𝗲𝗯𝗲́ 𝗶𝗺𝗽𝗹𝗲𝗺𝗲𝗻𝘁𝗮 𝗵𝗼𝘀𝗶 𝗔𝘂𝘁𝗼𝗿𝗶𝗱𝗮𝗱𝗲 𝗣𝗿𝗼𝘁𝗲𝘀𝗮𝘂𝗻 𝗦𝗶𝘃𝗶́𝗹 𝗹𝗶𝘂𝗵𝗼𝘀𝗶 𝗗𝗶𝗿𝗲𝘀𝗮𝘂𝗻 𝗡𝗮𝘀𝗶𝗼𝗻𝗮́𝗹 𝗣𝗿𝗲𝘃𝗲𝗻𝘀𝗮𝘂𝗻 𝗞𝗼𝗻𝗳𝗹𝗶𝘁𝘂...