MAUBESSI, 29 Setembru 2022 – Autoridade Protesaun Sivíl liuhusi Diretór Diresaun Nasionál Prevensaun Konflitu Komunitáriu (DNPKK), António Viegas sai oradór iha diálogu hodi ko’alia kona-ba harii pás, prevensaun no rezolusaun konflitu, ne’ebé organiza hosi Ministériu Solidariedade Sosiál no Inkluzaun-(MSSI) iha Suku Maubessi, Postu Administrativu Maubessi Villa, Munisípiu Ainaro.
Diretór DNPKK António Viegas konsidera diálogu importante bele lori solusaun di’ak ba problema iha komunidade, nunee bele kria pás no estabilidade.
“Agradese tebes ho diálogu ne’ebé organiza hosi MSSI nuudar meius di’ak ida atu fó solusaun ba problema iha komunidade, hahú kedas nível aldeia, suku, postu to’o, munisípiu. Hanesan lema DNPKK nian Di’ak Liu Prevene, Duké Kura,” haktuir Diretór DNPKK.
Diretór António hateten, “Inan aman sira iha suku Maubessi atu fó atensaun ba oan sira atu labele envolve iha konflitu, tanba konflitu sei fó impaktu negativu ba oan sira nia-an bele mate, kanek, no ba ospitál. Oan sira tenke hadook an hosi konflitu atu labele pertuba estabilidade no seguransa iha laran, nunee bele fó biban ba ita-nia seguransa PNTL ho F-FDTL atu konsentra no fó atensaun seguransa ba área fronteira rai maran no tasi nian, atu proteje ita-nia riku so’i tasi nian hanesan ikan, ne’ebé tinan-tinan lakon.”
Iha parte seluk, Direjente DNPKK fundamenta Maubessi rai bokur no potensiál tebes ba produtu horte kultura, ne’ebé bele hasa’e rendementu moris família nian, tanba ne’e persija joven sira-nia kreativu no badinas atu dezenvolve Maubessi.
Ikus liu, Oradór DNPKK ne’e, husik hela mensajen ikus, no alerta ba komunidade Maubessi atu kuidadu-an hosi risku dezastre naturais liuliu iha tempu udan, anin no rai monu. Buat importante ida mak komunidade labele halo uma iha fatin risku, no labele tesi ai-horis arbiru.
Caption Photos: Diretor DNPKK, Antonio Viegas wainhira sai orador iha Dialogu komunitaria ne´ebe halao iha Maubessi, Munisipiu Ainaro.
File foto: Maibessi
——————————————-
Notisia Seluk
ESTUDANTE EBC NAIN 400 PARTISIPA SENSIBILIZASAUN EDUKATIVU JESTAUN RISKU DEZASTRE IHA AREA KOSTEIRU
Manufahi, 26 Agustu 2024-Autoridade Protesaun Sivíl (APC) liuhusi Centro Nasional Operasional Protesaun Sivíl ( CNOPC ) ne’ebé lidera husi Xefe Unidade Terestre Martinho Fátima hamutuk ho ekipa APC Munisípiu Manufahi hala’o sensibilizasaun edukativu ba estudante EBC...
APC MANATUTO HETAN VIZITA HUSI PARSEIRU CVTL HO UNEP
Manatuto, 26 Agustu 2024- Autoridade Protesaun Sivíl (APC) Munisípiu Manatuto lidera husi Afonso Soares da Silva, Xefe Gabinete Munisipál Jestaun Rekursu João Soares simu husi parseiru CVTL ho UNEP hodi ko’alia kona-bá asuntu redusaun risku dezastre ba Asaun...
APC REJISTA XEFI FAMÍLIA 57 AFEITADU NAIN RUA LAKON VIDA
Dili, 26 Agustu 2024 – Autoridade Protesaun Sivíl (APC), liuhusi Porta vóz GREC Xefe Sekasaun Relasaun Externa Nelson nunes de Orleans relata dadus akontesimentu dezastre naturais durante semana ida nia laran hahú 19 to’o 26 Agustus 2024 akumula xefi família hamutuk...