MAUBESSI, 29 Setembru 2022 – Autoridade Protesaun Sivíl liuhusi Diretór Diresaun Nasionál Prevensaun Konflitu Komunitáriu (DNPKK), António Viegas sai oradór iha diálogu hodi ko’alia kona-ba harii pás, prevensaun no rezolusaun konflitu, ne’ebé organiza hosi Ministériu Solidariedade Sosiál no Inkluzaun-(MSSI) iha Suku Maubessi, Postu Administrativu Maubessi Villa, Munisípiu Ainaro.
Diretór DNPKK António Viegas konsidera diálogu importante bele lori solusaun di’ak ba problema iha komunidade, nunee bele kria pás no estabilidade.
“Agradese tebes ho diálogu ne’ebé organiza hosi MSSI nuudar meius di’ak ida atu fó solusaun ba problema iha komunidade, hahú kedas nível aldeia, suku, postu to’o, munisípiu. Hanesan lema DNPKK nian Di’ak Liu Prevene, Duké Kura,” haktuir Diretór DNPKK.
Diretór António hateten, “Inan aman sira iha suku Maubessi atu fó atensaun ba oan sira atu labele envolve iha konflitu, tanba konflitu sei fó impaktu negativu ba oan sira nia-an bele mate, kanek, no ba ospitál. Oan sira tenke hadook an hosi konflitu atu labele pertuba estabilidade no seguransa iha laran, nunee bele fó biban ba ita-nia seguransa PNTL ho F-FDTL atu konsentra no fó atensaun seguransa ba área fronteira rai maran no tasi nian, atu proteje ita-nia riku so’i tasi nian hanesan ikan, ne’ebé tinan-tinan lakon.”
Iha parte seluk, Direjente DNPKK fundamenta Maubessi rai bokur no potensiál tebes ba produtu horte kultura, ne’ebé bele hasa’e rendementu moris família nian, tanba ne’e persija joven sira-nia kreativu no badinas atu dezenvolve Maubessi.
Ikus liu, Oradór DNPKK ne’e, husik hela mensajen ikus, no alerta ba komunidade Maubessi atu kuidadu-an hosi risku dezastre naturais liuliu iha tempu udan, anin no rai monu. Buat importante ida mak komunidade labele halo uma iha fatin risku, no labele tesi ai-horis arbiru.
Caption Photos: Diretor DNPKK, Antonio Viegas wainhira sai orador iha Dialogu komunitaria ne´ebe halao iha Maubessi, Munisipiu Ainaro.
File foto: Maibessi
——————————————-
Notisia Seluk
𝗙𝗨𝗡𝗦𝗜𝗢𝗡𝗔́𝗥𝗜𝗨 𝗔𝗣𝗖-𝗦𝗘𝗣𝗖 𝟵𝟬 𝗧𝗨𝗜𝗥 𝗦𝗘𝗠𝗜𝗡𝗔́𝗥𝗜𝗨 𝑷𝑼𝑩𝑳𝑰𝑪 𝑺𝑷𝑬𝑨𝑲𝑰𝑵𝑮
Dili, 22 maiu 2024- Funsionáriu Autoridade Protesaun Sivíl (APC-SEPC) kompostu hosi kargu diresaun no xéfia hamutuk 90 tuir semináriu 𝙋𝙪𝙗𝙡𝙞𝙘 𝙎𝙥𝙚𝙖𝙠𝙞𝙣𝙜 durante loron ida iha salaun Kedutaan Besar Republik Indonesia (KBRI) iha Farol, Dili. Semináriu 𝙋𝙪𝙗𝙡𝙞𝙘 𝙎𝙥𝙚𝙖𝙠𝙞𝙣𝙜...
SIDADAUN NE’EBÉ LAKON IHA MANUFAHI HETAN FALI ONA
Manufahi, 21 Maiu 2024-Autoridade Protesaun Sivíl (APC) Munisípiu Manufahi liuhusi Komandante Operasaun hakarak informa fila-fali ba públiku katak sidadaun ne’ebé ho naran Domingas da Costa idade 80 anos lakon iha loron 19 Maiu 2024 mais ou menus oras 23:00 kalan iha...
APC HALA’O ABERTURA BA FORMASAUN TERS
RAEOA, 21 Maiu 2024-Autoridade Protesaun Sivíl (APC) Komandante Operasional Inspektur Xefe Polisia Herman Metan hamutuk ho Adjuntu Terestre hala'o abertura ba programa formasaun "Timor Emergency Response System" (TERS) iha Salaun Autoridade Protesaun Sivíl (APC),...