+670 77879422 grec@apc.gov.tl

MAUBESSI, 29 Setembru 2022 – Autoridade Protesaun Sivíl liuhusi Diretór Diresaun Nasionál Prevensaun Konflitu Komunitáriu (DNPKK), António Viegas sai oradór iha diálogu hodi ko’alia kona-ba harii pás, prevensaun no rezolusaun konflitu, ne’ebé organiza hosi Ministériu Solidariedade Sosiál no Inkluzaun-(MSSI) iha Suku Maubessi, Postu Administrativu Maubessi Villa, Munisípiu Ainaro.

Diretór DNPKK António Viegas konsidera diálogu importante bele lori solusaun di’ak ba problema iha komunidade, nunee bele kria pás no estabilidade.

“Agradese tebes ho diálogu ne’ebé organiza hosi MSSI nuudar meius di’ak ida atu fó solusaun ba problema iha komunidade, hahú kedas nível aldeia, suku, postu to’o, munisípiu. Hanesan lema DNPKK nian Di’ak Liu Prevene, Duké Kura,” haktuir Diretór DNPKK.

Diretór António hateten, “Inan aman sira iha suku Maubessi atu fó atensaun ba oan sira atu labele envolve iha konflitu, tanba konflitu sei fó impaktu negativu ba oan sira nia-an bele mate, kanek, no ba ospitál. Oan sira tenke hadook an hosi konflitu atu labele pertuba estabilidade no seguransa iha laran, nunee bele fó biban ba ita-nia seguransa PNTL ho F-FDTL atu konsentra no fó atensaun seguransa ba área fronteira rai maran no tasi nian, atu proteje ita-nia riku so’i tasi nian hanesan ikan, ne’ebé tinan-tinan lakon.”

Iha parte seluk, Direjente DNPKK fundamenta Maubessi rai bokur no potensiál tebes ba produtu horte kultura, ne’ebé bele hasa’e rendementu moris família nian, tanba ne’e persija joven sira-nia kreativu no badinas atu dezenvolve Maubessi.

Ikus liu, Oradór DNPKK ne’e, husik hela mensajen ikus, no alerta ba komunidade Maubessi atu kuidadu-an hosi risku dezastre naturais liuliu iha tempu udan, anin no rai monu. Buat importante ida mak komunidade labele halo uma iha fatin risku, no labele tesi ai-horis arbiru.

Caption Photos: Diretor DNPKK, Antonio Viegas wainhira sai orador iha Dialogu komunitaria ne´ebe halao iha Maubessi, Munisipiu Ainaro.

 

File foto: Maibessi

——————————————-

Notisia Seluk

APC KONTINUA HALO VERIFIKASAUN DADUS DEZASTRE

APC KONTINUA HALO VERIFIKASAUN DADUS DEZASTRE

Viqueque, 29 Fevereiru 2024-Autoridade Protesaun Sivil Munisipiu Viqueque lideradu husi Komandante Operasional APC Munisipiu Insp.Polisia Matias da Silva Liu husi DNGRD ho ekipa halo verifikasaun ba uma komunidade nian ida nebe'e ahin han iha area Raitahu aldeia...

𝐄𝐔 𝐚𝐧𝐝 𝐓𝐢𝐦𝐨𝐫-𝐋𝐞𝐬𝐭𝐞 𝐋𝐚𝐮𝐧𝐜𝐡 𝐚 𝐏𝐫𝐨𝐣𝐞𝐜𝐭 𝐭𝐨 𝐄𝐧𝐡𝐚𝐧𝐜𝐞 𝐃𝐢𝐬𝐚𝐬𝐭𝐞𝐫 𝐑𝐞𝐬𝐢𝐥𝐢𝐞𝐧𝐜𝐞

𝐄𝐔 𝐚𝐧𝐝 𝐓𝐢𝐦𝐨𝐫-𝐋𝐞𝐬𝐭𝐞 𝐋𝐚𝐮𝐧𝐜𝐡 𝐚 𝐏𝐫𝐨𝐣𝐞𝐜𝐭 𝐭𝐨 𝐄𝐧𝐡𝐚𝐧𝐜𝐞 𝐃𝐢𝐬𝐚𝐬𝐭𝐞𝐫 𝐑𝐞𝐬𝐢𝐥𝐢𝐞𝐧𝐜𝐞

Dili, 29 February 2024-The Government of Timor-Leste, through the Ministry of the Interior and the Secretariat of State for Civil Protection and the Civil Protection Authority (APC), in partnership with the European Union (EU), the Pacific Community (SPC), officially...

X