MAUBESSI, 29 Setembru 2022 – Autoridade Protesaun Sivíl liuhusi Diretór Diresaun Nasionál Prevensaun Konflitu Komunitáriu (DNPKK), António Viegas sai oradór iha diálogu hodi ko’alia kona-ba harii pás, prevensaun no rezolusaun konflitu, ne’ebé organiza hosi Ministériu Solidariedade Sosiál no Inkluzaun-(MSSI) iha Suku Maubessi, Postu Administrativu Maubessi Villa, Munisípiu Ainaro.
Diretór DNPKK António Viegas konsidera diálogu importante bele lori solusaun di’ak ba problema iha komunidade, nunee bele kria pás no estabilidade.
“Agradese tebes ho diálogu ne’ebé organiza hosi MSSI nuudar meius di’ak ida atu fó solusaun ba problema iha komunidade, hahú kedas nível aldeia, suku, postu to’o, munisípiu. Hanesan lema DNPKK nian Di’ak Liu Prevene, Duké Kura,” haktuir Diretór DNPKK.
Diretór António hateten, “Inan aman sira iha suku Maubessi atu fó atensaun ba oan sira atu labele envolve iha konflitu, tanba konflitu sei fó impaktu negativu ba oan sira nia-an bele mate, kanek, no ba ospitál. Oan sira tenke hadook an hosi konflitu atu labele pertuba estabilidade no seguransa iha laran, nunee bele fó biban ba ita-nia seguransa PNTL ho F-FDTL atu konsentra no fó atensaun seguransa ba área fronteira rai maran no tasi nian, atu proteje ita-nia riku so’i tasi nian hanesan ikan, ne’ebé tinan-tinan lakon.”
Iha parte seluk, Direjente DNPKK fundamenta Maubessi rai bokur no potensiál tebes ba produtu horte kultura, ne’ebé bele hasa’e rendementu moris família nian, tanba ne’e persija joven sira-nia kreativu no badinas atu dezenvolve Maubessi.
Ikus liu, Oradór DNPKK ne’e, husik hela mensajen ikus, no alerta ba komunidade Maubessi atu kuidadu-an hosi risku dezastre naturais liuliu iha tempu udan, anin no rai monu. Buat importante ida mak komunidade labele halo uma iha fatin risku, no labele tesi ai-horis arbiru.
Caption Photos: Diretor DNPKK, Antonio Viegas wainhira sai orador iha Dialogu komunitaria ne´ebe halao iha Maubessi, Munisipiu Ainaro.
File foto: Maibessi
——————————————-
Notisia Seluk
APC HO AQUITIC DIVE RESORTS ASINA NOTA ENTENDIMENTU
APC HO AQUITIC DIVE RESORTS ASINA NOTA ENTENDIMENTU Dili, 30 Setembru 2024 Marka tan pasu importante ida, Prezidente Autoridade Protesaun Sivil (APC), Jesuino dos Reis de Matos Carvalho asina nota entendimentu ho Gestor Kompania Aquitic Dive Resorts Lda, Desmond Tuck...
APC REJISTA EMA IDA LAKON VIDA, 2 KANEK NO UMA 32 HETAN ESTRAGUS
Dili, 23 Setembru 2024-Autoridade Protesaun Sivíl liuhusi Diretor Gabinete Relasaun Externa no Komunikasaun (GREK-APC), Cesario da Slva Marques, relata dadus akontesimentu dezastre naturais durante semana ida nia laran hahú 16 to’o 23 Setemberu 2024 ema afeitadu...
APC MUNISÍPIU ERMERA HALO MONITORIZASAUN BA MATERIÁL REKOPERASAUN IHA ATSABE
Ermera, 19 Setembru 2024-Autoridade Protesaun Sivíl (APC) Munisípiu Ermera lidera husi Xefe Gabinete Munisipál Rekooperasaun Filomena Soares ho ekipa hala'o monitorizasaun ba vítima uma kain 11 iha Postu Administrativu Atsabe, Munisípiu Ermera. Vítima desastre ne'ebé...