MAUBESSI, 29 Setembru 2022 – Autoridade Protesaun Sivíl liuhusi Diretór Diresaun Nasionál Prevensaun Konflitu Komunitáriu (DNPKK), António Viegas sai oradór iha diálogu hodi ko’alia kona-ba harii pás, prevensaun no rezolusaun konflitu, ne’ebé organiza hosi Ministériu Solidariedade Sosiál no Inkluzaun-(MSSI) iha Suku Maubessi, Postu Administrativu Maubessi Villa, Munisípiu Ainaro.
Diretór DNPKK António Viegas konsidera diálogu importante bele lori solusaun di’ak ba problema iha komunidade, nunee bele kria pás no estabilidade.
“Agradese tebes ho diálogu ne’ebé organiza hosi MSSI nuudar meius di’ak ida atu fó solusaun ba problema iha komunidade, hahú kedas nível aldeia, suku, postu to’o, munisípiu. Hanesan lema DNPKK nian Di’ak Liu Prevene, Duké Kura,” haktuir Diretór DNPKK.
Diretór António hateten, “Inan aman sira iha suku Maubessi atu fó atensaun ba oan sira atu labele envolve iha konflitu, tanba konflitu sei fó impaktu negativu ba oan sira nia-an bele mate, kanek, no ba ospitál. Oan sira tenke hadook an hosi konflitu atu labele pertuba estabilidade no seguransa iha laran, nunee bele fó biban ba ita-nia seguransa PNTL ho F-FDTL atu konsentra no fó atensaun seguransa ba área fronteira rai maran no tasi nian, atu proteje ita-nia riku so’i tasi nian hanesan ikan, ne’ebé tinan-tinan lakon.”
Iha parte seluk, Direjente DNPKK fundamenta Maubessi rai bokur no potensiál tebes ba produtu horte kultura, ne’ebé bele hasa’e rendementu moris família nian, tanba ne’e persija joven sira-nia kreativu no badinas atu dezenvolve Maubessi.
Ikus liu, Oradór DNPKK ne’e, husik hela mensajen ikus, no alerta ba komunidade Maubessi atu kuidadu-an hosi risku dezastre naturais liuliu iha tempu udan, anin no rai monu. Buat importante ida mak komunidade labele halo uma iha fatin risku, no labele tesi ai-horis arbiru.
Caption Photos: Diretor DNPKK, Antonio Viegas wainhira sai orador iha Dialogu komunitaria ne´ebe halao iha Maubessi, Munisipiu Ainaro.
File foto: Maibessi
——————————————-
Notisia Seluk
𝐊𝐎𝐑𝐏𝐔 𝐁𝐎𝐌𝐁𝐄𝐈𝐑𝐎𝐒 𝐇𝐀𝐋𝐎 𝐋𝐀𝐕𝐀𝐉𝐄𝐍 𝐄𝐒𝐓𝐑𝐀𝐃𝐀 𝐏𝐔́𝐁𝐋𝐈𝐊𝐔 𝐃𝐈𝐑𝐄𝐒𝐀𝐔𝐍 𝐇𝐍𝐆𝐕
Dili, 18 fevereiru 2024-Autoridade Proteção Civil (APC) liuhosi Korpu Bombeiros halo lavajén ba estrada públiku diresaun Hospitál Nasionál Guido Valadares (HNGV) área Bidau. Korpu Bombeiros halo lavajen relasiona ho udan boot ne'ebé akontese iha loron sexta 16...
APC Covalima Apoia Emerjénsia ba Vítima Inséndiu
Covalima 17 Fevereiro 2024- Autoridade Proteção Civil (APC) Munisipiu Covalima liuhusi DNGRD apoiu asan emerjénsia aihan no laos aihan ba vitima dezastre ahi han uma kain Ida (1) iha Aldeia Gazolo, Suku Bele kasak, Postu Administrativo Maukatar. Akontesementu ne’e APC...
𝐌𝐈-𝐒𝐄𝐏𝐂 𝐒𝐈𝐌𝐔 𝐕𝐈𝐙𝐈𝐓𝐀 𝐃𝐄𝐏𝐔𝐓𝐀𝐃𝐔 𝐊𝐎𝐌𝐈𝐒𝐀𝐔𝐍 𝐁 𝐏𝐍
Dili, 15 Fevereiru 2024-Ministru Interior, S.E. Francisco da Costa Guterres, Sekretáriu Estadu Protesaun Sivíl, S.E. Domingos Mariano Reis akompaña hosi Komandante Jerál PNTL, Komisáriu Henrique da Costa, Prezidente Autoridade Protesaun Sivíl, Superintendente PNTL,...