MAUBESSI, 29 Setembru 2022 – Autoridade Protesaun Sivíl liuhusi Diretór Diresaun Nasionál Prevensaun Konflitu Komunitáriu (DNPKK), António Viegas sai oradór iha diálogu hodi ko’alia kona-ba harii pás, prevensaun no rezolusaun konflitu, ne’ebé organiza hosi Ministériu Solidariedade Sosiál no Inkluzaun-(MSSI) iha Suku Maubessi, Postu Administrativu Maubessi Villa, Munisípiu Ainaro.
Diretór DNPKK António Viegas konsidera diálogu importante bele lori solusaun di’ak ba problema iha komunidade, nunee bele kria pás no estabilidade.
“Agradese tebes ho diálogu ne’ebé organiza hosi MSSI nuudar meius di’ak ida atu fó solusaun ba problema iha komunidade, hahú kedas nível aldeia, suku, postu to’o, munisípiu. Hanesan lema DNPKK nian Di’ak Liu Prevene, Duké Kura,” haktuir Diretór DNPKK.
Diretór António hateten, “Inan aman sira iha suku Maubessi atu fó atensaun ba oan sira atu labele envolve iha konflitu, tanba konflitu sei fó impaktu negativu ba oan sira nia-an bele mate, kanek, no ba ospitál. Oan sira tenke hadook an hosi konflitu atu labele pertuba estabilidade no seguransa iha laran, nunee bele fó biban ba ita-nia seguransa PNTL ho F-FDTL atu konsentra no fó atensaun seguransa ba área fronteira rai maran no tasi nian, atu proteje ita-nia riku so’i tasi nian hanesan ikan, ne’ebé tinan-tinan lakon.”
Iha parte seluk, Direjente DNPKK fundamenta Maubessi rai bokur no potensiál tebes ba produtu horte kultura, ne’ebé bele hasa’e rendementu moris família nian, tanba ne’e persija joven sira-nia kreativu no badinas atu dezenvolve Maubessi.
Ikus liu, Oradór DNPKK ne’e, husik hela mensajen ikus, no alerta ba komunidade Maubessi atu kuidadu-an hosi risku dezastre naturais liuliu iha tempu udan, anin no rai monu. Buat importante ida mak komunidade labele halo uma iha fatin risku, no labele tesi ai-horis arbiru.
Caption Photos: Diretor DNPKK, Antonio Viegas wainhira sai orador iha Dialogu komunitaria ne´ebe halao iha Maubessi, Munisipiu Ainaro.
File foto: Maibessi
——————————————-
Notisia Seluk
𝐊𝐨𝐫𝐩𝐮 𝐁𝐨𝐦𝐛𝐞𝐢𝐫𝐨𝐬 𝐓𝐫𝐚𝐧𝐬𝐚𝐩𝐨𝐫𝐭𝐚 𝐄𝐬𝐭𝐮𝐝𝐚𝐧𝐭𝐞 𝐈𝐝𝐚 𝐛𝐚 𝐇𝐍𝐆𝐕, 𝐇𝐚𝐟𝐨𝐢𝐧 𝐁𝐞𝐞 𝐋𝐨𝐫𝐢
Dili, 07 fevereiru 2024-Autoridade Protesaun Sivíl (APC) liuhosi Korpu Bombeiros transporta estudante ida, ho idade tinan 9 ba Hospital Nasionál Guido Valadares (HNGV), hafoin bee lori iha área Lahane Osidentál. Tuir kronolójia sidadaun ne'e sai hosi eskola atu fila...
𝐗𝐄𝐅𝐄 𝐅𝐀𝐌𝐈́𝐋𝐈𝐀 𝟐 𝐄𝐕𝐀𝐊𝐔𝐀 𝐌𝐀𝐈 𝐄𝐃𝐈𝐅𝐈́𝐒𝐈𝐔 𝐀𝐏𝐂, 𝐇𝐀𝐅𝐎𝐈𝐍 𝐒𝐎𝐅𝐑𝐄 𝐈𝐍𝐔𝐍𝐃𝐀𝐒𝐀𝐔𝐍
Dili, 07 fevereiru 2024- Hafoin udan boot durante oras 2 nia laran, Sua Exelénsia Sekretáriu Estadu Protesaun Sivíl, Domingos Mariano Reis, ho ekipa Autoridade Protesaun Sivíl (APC) evakua provizóriu Xefe família 2, ne'ebé sofre ba inundasaun hosi suku Bekora mai iha...
APC SERVISU HAMUTUK MTC-DNMG, 08 FEVEREIRO 2024 NAFATIN ATUALIZA INFORMASAUN BA PUBLIKU
ATENSAUN_ESPESIAL_BA_UDAN_BA_LORON OHIN_NO_ABAN (AILEU, AINARO, BAUCAU, BOBNARO, COVALIMA, MANUFAHI, MANATUTO, LAUTEM, VIQUEQUE NO RAEOA). -DNMG-Ekipa Previzaun Tempu no Eventu extremu, hakarak informa ba komunidade em jeral iha territoriu nasional katak, baseia ba...