MAUBESSI, 29 Setembru 2022 – Autoridade Protesaun Sivíl liuhusi Diretór Diresaun Nasionál Prevensaun Konflitu Komunitáriu (DNPKK), António Viegas sai oradór iha diálogu hodi ko’alia kona-ba harii pás, prevensaun no rezolusaun konflitu, ne’ebé organiza hosi Ministériu Solidariedade Sosiál no Inkluzaun-(MSSI) iha Suku Maubessi, Postu Administrativu Maubessi Villa, Munisípiu Ainaro.
Diretór DNPKK António Viegas konsidera diálogu importante bele lori solusaun di’ak ba problema iha komunidade, nunee bele kria pás no estabilidade.
“Agradese tebes ho diálogu ne’ebé organiza hosi MSSI nuudar meius di’ak ida atu fó solusaun ba problema iha komunidade, hahú kedas nível aldeia, suku, postu to’o, munisípiu. Hanesan lema DNPKK nian Di’ak Liu Prevene, Duké Kura,” haktuir Diretór DNPKK.
Diretór António hateten, “Inan aman sira iha suku Maubessi atu fó atensaun ba oan sira atu labele envolve iha konflitu, tanba konflitu sei fó impaktu negativu ba oan sira nia-an bele mate, kanek, no ba ospitál. Oan sira tenke hadook an hosi konflitu atu labele pertuba estabilidade no seguransa iha laran, nunee bele fó biban ba ita-nia seguransa PNTL ho F-FDTL atu konsentra no fó atensaun seguransa ba área fronteira rai maran no tasi nian, atu proteje ita-nia riku so’i tasi nian hanesan ikan, ne’ebé tinan-tinan lakon.”
Iha parte seluk, Direjente DNPKK fundamenta Maubessi rai bokur no potensiál tebes ba produtu horte kultura, ne’ebé bele hasa’e rendementu moris família nian, tanba ne’e persija joven sira-nia kreativu no badinas atu dezenvolve Maubessi.
Ikus liu, Oradór DNPKK ne’e, husik hela mensajen ikus, no alerta ba komunidade Maubessi atu kuidadu-an hosi risku dezastre naturais liuliu iha tempu udan, anin no rai monu. Buat importante ida mak komunidade labele halo uma iha fatin risku, no labele tesi ai-horis arbiru.
Caption Photos: Diretor DNPKK, Antonio Viegas wainhira sai orador iha Dialogu komunitaria ne´ebe halao iha Maubessi, Munisipiu Ainaro.
File foto: Maibessi
——————————————-
Notisia Seluk
APC ERMERA KONTINUA APOIA SASAN EMERJÉNSIA BA FA
Ermera, 29 Janeiru 2024 - Comando Operasaun Autoridade Proteção Civil Município Ermera liuhusi Diresaun Nasionál Jestaun Risku Dezastre (DNGRD) Apoiu Sasan emerjénsia ba vítima dezastre uma kain 9 iha Munisípiu Ermera Apoiu emerjénsia ba vítima dezastre uma kain 2...
𝐄𝐒𝐓𝐑𝐔𝐓𝐔𝐑𝐀 𝐀𝐏𝐂 𝐀𝐓𝐔𝐀𝐋𝐈𝐙𝐀 𝐏𝐑𝐎𝐆𝐑𝐄𝐒𝐀𝐔𝐍 𝐇𝐎 𝐏𝐋𝐀𝐍𝐔 𝐀𝐓𝐈𝐕𝐈𝐃𝐀𝐃𝐄 𝟐𝟎𝟐𝟒
Dili, 29 Janéiru 2024- Prezidenti Autoridade Proteção Civil (APC), Superintendente PNTL, Ismael da Costa Babo hamutuk ho Komandante Operasaun Nasionál APC, Superintendente Asistente PNTL, Nuno Romualdo Gomes konvoka sorumutu ho diretór gabinete, diretór diresaun, xefe...
APC Partisipa Enkontru Preparasaun Vizita ASET Iha TL
Dili, 29 Janéiru 2024- Autoridade Proteção Civil (APC) liuhusi Pontu Fokál APC asuntu ASEAN, Nelson Nunes de Orleans no Mateus da Costa partisipa enkontru virtual meeting ba preparasaun ASEAN Travelling Recourse Person Programme (ATRPP) entre liñas ministerial sira...