MAUBESSI, 29 Setembru 2022 – Autoridade Protesaun Sivíl liuhusi Diretór Diresaun Nasionál Prevensaun Konflitu Komunitáriu (DNPKK), António Viegas sai oradór iha diálogu hodi ko’alia kona-ba harii pás, prevensaun no rezolusaun konflitu, ne’ebé organiza hosi Ministériu Solidariedade Sosiál no Inkluzaun-(MSSI) iha Suku Maubessi, Postu Administrativu Maubessi Villa, Munisípiu Ainaro.
Diretór DNPKK António Viegas konsidera diálogu importante bele lori solusaun di’ak ba problema iha komunidade, nunee bele kria pás no estabilidade.
“Agradese tebes ho diálogu ne’ebé organiza hosi MSSI nuudar meius di’ak ida atu fó solusaun ba problema iha komunidade, hahú kedas nível aldeia, suku, postu to’o, munisípiu. Hanesan lema DNPKK nian Di’ak Liu Prevene, Duké Kura,” haktuir Diretór DNPKK.
Diretór António hateten, “Inan aman sira iha suku Maubessi atu fó atensaun ba oan sira atu labele envolve iha konflitu, tanba konflitu sei fó impaktu negativu ba oan sira nia-an bele mate, kanek, no ba ospitál. Oan sira tenke hadook an hosi konflitu atu labele pertuba estabilidade no seguransa iha laran, nunee bele fó biban ba ita-nia seguransa PNTL ho F-FDTL atu konsentra no fó atensaun seguransa ba área fronteira rai maran no tasi nian, atu proteje ita-nia riku so’i tasi nian hanesan ikan, ne’ebé tinan-tinan lakon.”
Iha parte seluk, Direjente DNPKK fundamenta Maubessi rai bokur no potensiál tebes ba produtu horte kultura, ne’ebé bele hasa’e rendementu moris família nian, tanba ne’e persija joven sira-nia kreativu no badinas atu dezenvolve Maubessi.
Ikus liu, Oradór DNPKK ne’e, husik hela mensajen ikus, no alerta ba komunidade Maubessi atu kuidadu-an hosi risku dezastre naturais liuliu iha tempu udan, anin no rai monu. Buat importante ida mak komunidade labele halo uma iha fatin risku, no labele tesi ai-horis arbiru.
Caption Photos: Diretor DNPKK, Antonio Viegas wainhira sai orador iha Dialogu komunitaria ne´ebe halao iha Maubessi, Munisipiu Ainaro.
File foto: Maibessi
——————————————-
Notisia Seluk
𝗔𝗣𝗖 𝗙𝗢𝗥𝗡𝗘𝗦𝗘 𝗣𝗔𝗞𝗢𝗧𝗘 𝗛𝗔𝗛𝗔𝗡 𝗛𝗢 𝗟𝗔’𝗢𝗦 𝗛𝗔𝗛𝗔𝗡 𝗕𝗔 𝗩𝗜́𝗧𝗜𝗠𝗔 𝗜𝗡𝗦𝗘́𝗡𝗗𝗜𝗨 𝗞𝗔𝗥𝗘𝗡𝗧𝗜𝗡𝗔
Dili, 24 Janeiru 2024-Autoridade Proteção Civil (APC) fornese pakote emerjénsia kategória hahan ho la'os hahan ba xefe família 38, ne'ebé vítima inséndiu karentina Tasitolu daudaun evakua provizóriu iha Kobe House, Pálasiu Prezidensiál, Aitarak laran. Enkuantu, pakote...
KAPC Lautém Kontinua Halo Intervensaun no Apoia Emenjénsia
Lautém, 23 Janeiru 2024,- Autoridade Proteção Civil (APC) liuhusi Komandu Operasional Autoridade Protesaun Sivil Munisipiu Lautém kontinua halo asesmentu ba vitima afetada sira. Entertantu APC mós apoiu emerjénsia ba vítima dezastre 'anin-sobu no ai-hanehan' Uma iha...
APC Ermera Apoia Sasan Emerjénsia Ba Afetadu Sira
Ermera, 23 Janeiro 2024 - Comando Operasaun Autoridade Proteção Civil (CNOPC) Munisípiu Ermera liuhusi Diresaun Nasional Jestaun Risku Dezastre (DNGRD) apoiu sasan emerjénsia ba vítima desastre uma kain 6 iha Munisípiu Ermera. Apoiu hirak ne’e, liuhusi APC/DNGRD ba...