MAUBESSI, 29 Setembru 2022 – Autoridade Protesaun Sivíl liuhusi Diretór Diresaun Nasionál Prevensaun Konflitu Komunitáriu (DNPKK), António Viegas sai oradór iha diálogu hodi ko’alia kona-ba harii pás, prevensaun no rezolusaun konflitu, ne’ebé organiza hosi Ministériu Solidariedade Sosiál no Inkluzaun-(MSSI) iha Suku Maubessi, Postu Administrativu Maubessi Villa, Munisípiu Ainaro.
Diretór DNPKK António Viegas konsidera diálogu importante bele lori solusaun di’ak ba problema iha komunidade, nunee bele kria pás no estabilidade.
“Agradese tebes ho diálogu ne’ebé organiza hosi MSSI nuudar meius di’ak ida atu fó solusaun ba problema iha komunidade, hahú kedas nível aldeia, suku, postu to’o, munisípiu. Hanesan lema DNPKK nian Di’ak Liu Prevene, Duké Kura,” haktuir Diretór DNPKK.
Diretór António hateten, “Inan aman sira iha suku Maubessi atu fó atensaun ba oan sira atu labele envolve iha konflitu, tanba konflitu sei fó impaktu negativu ba oan sira nia-an bele mate, kanek, no ba ospitál. Oan sira tenke hadook an hosi konflitu atu labele pertuba estabilidade no seguransa iha laran, nunee bele fó biban ba ita-nia seguransa PNTL ho F-FDTL atu konsentra no fó atensaun seguransa ba área fronteira rai maran no tasi nian, atu proteje ita-nia riku so’i tasi nian hanesan ikan, ne’ebé tinan-tinan lakon.”
Iha parte seluk, Direjente DNPKK fundamenta Maubessi rai bokur no potensiál tebes ba produtu horte kultura, ne’ebé bele hasa’e rendementu moris família nian, tanba ne’e persija joven sira-nia kreativu no badinas atu dezenvolve Maubessi.
Ikus liu, Oradór DNPKK ne’e, husik hela mensajen ikus, no alerta ba komunidade Maubessi atu kuidadu-an hosi risku dezastre naturais liuliu iha tempu udan, anin no rai monu. Buat importante ida mak komunidade labele halo uma iha fatin risku, no labele tesi ai-horis arbiru.
Caption Photos: Diretor DNPKK, Antonio Viegas wainhira sai orador iha Dialogu komunitaria ne´ebe halao iha Maubessi, Munisipiu Ainaro.
File foto: Maibessi
——————————————-
Notisia Seluk
APC ERMERA HALA’O ATIVIDADE SENSIBILIZASAUN IHA SUKU LAUANA
Ermera,19 Abril 2024- Autoridade Proteção Civil (APC) Munisipiu Ermera hala’o atividade Sensibilizasaun kona-bá Prevensaun no Preparasaun Hasoru Fenomena LA NINA no EL NINO no mos perigu natural seluk tan ba populasaun sira ne'ebe hela iha fatin risco dezastre,...
PAPC Sorumuntu ho Reprezentante Embaixada Australia
Dili, 04 marsu 2024 – Prezidente Autoridade Protesaun Sivíl Superientendente polisia Ismael da Costa Babo enkontru ho reprezentantes husi embaixada Australia ho polisia federal Australia iha edifisiu APC kaikoli segunda feira ne’e. Objetivu husi enkontru ida ne’e atu...
SENTRU FORMASAUN ORGANIZA FORMASAUN ORDEM UNIDA BA AJENTES APC
Dili – 04 Marsu 2024-Autoridade Protesaun Sivíl , liuhusi Sentru Formasaun iha Segunda-Feira, ne’e organiza formasaun Ordem Unida ba ajentes Protesaun Sivíl nian mai husi diresaun hotu Autoridade Protesaun Sivíl nian. Objetivu husi formasaun Ordem Unida ne’e, mak atu...