MAUBESSI, 29 Setembru 2022 – Autoridade Protesaun Sivíl liuhusi Diretór Diresaun Nasionál Prevensaun Konflitu Komunitáriu (DNPKK), António Viegas sai oradór iha diálogu hodi ko’alia kona-ba harii pás, prevensaun no rezolusaun konflitu, ne’ebé organiza hosi Ministériu Solidariedade Sosiál no Inkluzaun-(MSSI) iha Suku Maubessi, Postu Administrativu Maubessi Villa, Munisípiu Ainaro.
Diretór DNPKK António Viegas konsidera diálogu importante bele lori solusaun di’ak ba problema iha komunidade, nunee bele kria pás no estabilidade.
“Agradese tebes ho diálogu ne’ebé organiza hosi MSSI nuudar meius di’ak ida atu fó solusaun ba problema iha komunidade, hahú kedas nível aldeia, suku, postu to’o, munisípiu. Hanesan lema DNPKK nian Di’ak Liu Prevene, Duké Kura,” haktuir Diretór DNPKK.
Diretór António hateten, “Inan aman sira iha suku Maubessi atu fó atensaun ba oan sira atu labele envolve iha konflitu, tanba konflitu sei fó impaktu negativu ba oan sira nia-an bele mate, kanek, no ba ospitál. Oan sira tenke hadook an hosi konflitu atu labele pertuba estabilidade no seguransa iha laran, nunee bele fó biban ba ita-nia seguransa PNTL ho F-FDTL atu konsentra no fó atensaun seguransa ba área fronteira rai maran no tasi nian, atu proteje ita-nia riku so’i tasi nian hanesan ikan, ne’ebé tinan-tinan lakon.”
Iha parte seluk, Direjente DNPKK fundamenta Maubessi rai bokur no potensiál tebes ba produtu horte kultura, ne’ebé bele hasa’e rendementu moris família nian, tanba ne’e persija joven sira-nia kreativu no badinas atu dezenvolve Maubessi.
Ikus liu, Oradór DNPKK ne’e, husik hela mensajen ikus, no alerta ba komunidade Maubessi atu kuidadu-an hosi risku dezastre naturais liuliu iha tempu udan, anin no rai monu. Buat importante ida mak komunidade labele halo uma iha fatin risku, no labele tesi ai-horis arbiru.
Caption Photos: Diretor DNPKK, Antonio Viegas wainhira sai orador iha Dialogu komunitaria ne´ebe halao iha Maubessi, Munisipiu Ainaro.
File foto: Maibessi
——————————————-
Notisia Seluk
PREZIDENTI APC RELATA DADUS DEZASTRE BA PÚBLIKU
Dili, 10 Janeiru 2024-Prezidenti Autoridade Proteção Civíl (APC) Superiendente Polisia Ismael da Costa Babo relata dadus espesial ba jornalista sira liuhusi konferénsia da Imprensa relasiona ho akontesimentu udan ne’ebé maka ho intensidade maka’as iha loron 09 fulan...
APC HAHÚ HALO LEVANTAMENTUS DADUS BA UMA KOMUNIDADE NE’EBE HETAN INUNDASAUN
Dili, 10 Janeiru 2024 - Autoridade Proteção Civil (APC), liuhusi ekipa sira hala’o levantamentu de dadus kuarta-feira ne’e tun direita ba terrenu hodi halo levantamentus dadus ba komunidade sira nia uma liga ho inundasaun ne’ebé akontese iha loron 09 Janeiru 2024....
APC Partisipa SOCA Meeting Iha MSSI
Dili, 10 Janéiru 2024-Autoridade Proteção Civil (APC) liuhusi Gabinete Relasaun Externa no Komunikasaun partisipa Senior Official Committee of ASEAN (SOCA) meeting iha Ministériu Solidaridade Sosial no Inkluzaun (MSSI) , Kuarta-feira dia 10 Janéiru 2024. Workshop ho...