MAUBESSI, 29 Setembru 2022 – Autoridade Protesaun Sivíl liuhusi Diretór Diresaun Nasionál Prevensaun Konflitu Komunitáriu (DNPKK), António Viegas sai oradór iha diálogu hodi ko’alia kona-ba harii pás, prevensaun no rezolusaun konflitu, ne’ebé organiza hosi Ministériu Solidariedade Sosiál no Inkluzaun-(MSSI) iha Suku Maubessi, Postu Administrativu Maubessi Villa, Munisípiu Ainaro.
Diretór DNPKK António Viegas konsidera diálogu importante bele lori solusaun di’ak ba problema iha komunidade, nunee bele kria pás no estabilidade.
“Agradese tebes ho diálogu ne’ebé organiza hosi MSSI nuudar meius di’ak ida atu fó solusaun ba problema iha komunidade, hahú kedas nível aldeia, suku, postu to’o, munisípiu. Hanesan lema DNPKK nian Di’ak Liu Prevene, Duké Kura,” haktuir Diretór DNPKK.
Diretór António hateten, “Inan aman sira iha suku Maubessi atu fó atensaun ba oan sira atu labele envolve iha konflitu, tanba konflitu sei fó impaktu negativu ba oan sira nia-an bele mate, kanek, no ba ospitál. Oan sira tenke hadook an hosi konflitu atu labele pertuba estabilidade no seguransa iha laran, nunee bele fó biban ba ita-nia seguransa PNTL ho F-FDTL atu konsentra no fó atensaun seguransa ba área fronteira rai maran no tasi nian, atu proteje ita-nia riku so’i tasi nian hanesan ikan, ne’ebé tinan-tinan lakon.”
Iha parte seluk, Direjente DNPKK fundamenta Maubessi rai bokur no potensiál tebes ba produtu horte kultura, ne’ebé bele hasa’e rendementu moris família nian, tanba ne’e persija joven sira-nia kreativu no badinas atu dezenvolve Maubessi.
Ikus liu, Oradór DNPKK ne’e, husik hela mensajen ikus, no alerta ba komunidade Maubessi atu kuidadu-an hosi risku dezastre naturais liuliu iha tempu udan, anin no rai monu. Buat importante ida mak komunidade labele halo uma iha fatin risku, no labele tesi ai-horis arbiru.
Caption Photos: Diretor DNPKK, Antonio Viegas wainhira sai orador iha Dialogu komunitaria ne´ebe halao iha Maubessi, Munisipiu Ainaro.
File foto: Maibessi
——————————————-
Notisia Seluk
APC HETAN VIZITA TRABALLU HUSI MNEC
𝐃𝐢𝐥𝐢, 𝟏𝟖 O𝐮𝐭𝐮𝐛𝐫𝐨 𝟐𝟎𝟐𝟑-𝐏𝐫𝐞𝐳𝐢𝐝𝐞𝐧𝐭i 𝐀𝐮𝐭𝐨𝐫𝐢𝐝𝐚𝐝𝐞 𝐏𝐫𝐨𝐭𝐞ção C𝐢𝐯𝐢́𝐥 (𝐀𝐏C), 𝐒𝐮𝐩𝐞𝐫𝐢𝐧𝐭𝐞𝐧𝐝𝐞𝐧𝐭𝐞 𝐏𝐍𝐓𝐋, 𝐈𝐬𝐦𝐚𝐞𝐥 𝐝𝐚 𝐂𝐨𝐬𝐭𝐚 𝐁𝐚𝐛𝐨 𝐚𝐤𝐨𝐦𝐩𝐚𝐧̃𝐚 𝐡u𝐬𝐢 𝐃𝐢𝐫𝐞𝐭𝐨́𝐫 𝐆𝐚𝐛𝐢𝐧𝐞𝐭𝐞 𝐑𝐞𝐥𝐚𝐬𝐚𝐮𝐧 𝐄𝐱𝐭𝐞𝐫𝐧𝐚 𝐧𝐨 𝐊𝐨𝐦𝐮𝐧𝐢𝐤𝐚𝐬𝐚𝐮𝐧 (𝐆𝐑𝐄𝐊), 𝐀𝐧𝐚𝐜𝐥𝐞𝐭𝐨 𝐂𝐚𝐞𝐭𝐚𝐧𝐨 𝐬𝐢𝐦𝐮 𝐯𝐢𝐳𝐢𝐭𝐚 𝐭𝐫𝐚𝐛𝐚𝐥𝐥𝐮 𝐡𝐨𝐬𝐢 𝐞𝐤𝐢𝐩𝐚 𝐌𝐢𝐧𝐢𝐬𝐭𝐞́𝐫𝐢𝐮 𝐍𝐞𝐠𝐨́𝐬𝐢𝐮 𝐄𝐬𝐭𝐫𝐚𝐧𝐣é𝐢𝐫𝐮 𝐧𝐨...
APC REPREZENTA GOVERNU TIMOR-LESTE PARTISIPA AADMER VIETNAM
Vietname, 12 Outubru 2023-Presidente Autoridade Proteção Civil (APC) Sup. Polisia Ismael da Costa Babo, Akompaña Adjunto Aero mariano Ana Lopes, Claudio Martins de Jesus, Assesor Prinsipal SEPC, Nuno Celestino Maria Soares Martins Sekretáriu Exekutivu SEPC no...
MUNISÍPIU 12 AFEITADU HUSI DEZASTRE NATURAIS
Dili - 16 Outubro 2023, Autoridade Protesaun Sivil (APC) liu husi Porta Voz APC Anacleto Caetano SS,MAP, atuál Diretor Relasaun Externa no Komunikasaun (GREC) relata dadus dezastre naturais semanál ba públiku kuaze uma kain 44 mak hetan estragus impaktu husi dezastre...