MAUBESSI, 29 Setembru 2022 – Autoridade Protesaun Sivíl liuhusi Diretór Diresaun Nasionál Prevensaun Konflitu Komunitáriu (DNPKK), António Viegas sai oradór iha diálogu hodi ko’alia kona-ba harii pás, prevensaun no rezolusaun konflitu, ne’ebé organiza hosi Ministériu Solidariedade Sosiál no Inkluzaun-(MSSI) iha Suku Maubessi, Postu Administrativu Maubessi Villa, Munisípiu Ainaro.
Diretór DNPKK António Viegas konsidera diálogu importante bele lori solusaun di’ak ba problema iha komunidade, nunee bele kria pás no estabilidade.
“Agradese tebes ho diálogu ne’ebé organiza hosi MSSI nuudar meius di’ak ida atu fó solusaun ba problema iha komunidade, hahú kedas nível aldeia, suku, postu to’o, munisípiu. Hanesan lema DNPKK nian Di’ak Liu Prevene, Duké Kura,” haktuir Diretór DNPKK.
Diretór António hateten, “Inan aman sira iha suku Maubessi atu fó atensaun ba oan sira atu labele envolve iha konflitu, tanba konflitu sei fó impaktu negativu ba oan sira nia-an bele mate, kanek, no ba ospitál. Oan sira tenke hadook an hosi konflitu atu labele pertuba estabilidade no seguransa iha laran, nunee bele fó biban ba ita-nia seguransa PNTL ho F-FDTL atu konsentra no fó atensaun seguransa ba área fronteira rai maran no tasi nian, atu proteje ita-nia riku so’i tasi nian hanesan ikan, ne’ebé tinan-tinan lakon.”
Iha parte seluk, Direjente DNPKK fundamenta Maubessi rai bokur no potensiál tebes ba produtu horte kultura, ne’ebé bele hasa’e rendementu moris família nian, tanba ne’e persija joven sira-nia kreativu no badinas atu dezenvolve Maubessi.
Ikus liu, Oradór DNPKK ne’e, husik hela mensajen ikus, no alerta ba komunidade Maubessi atu kuidadu-an hosi risku dezastre naturais liuliu iha tempu udan, anin no rai monu. Buat importante ida mak komunidade labele halo uma iha fatin risku, no labele tesi ai-horis arbiru.
Caption Photos: Diretor DNPKK, Antonio Viegas wainhira sai orador iha Dialogu komunitaria ne´ebe halao iha Maubessi, Munisipiu Ainaro.
File foto: Maibessi
——————————————-
Notisia Seluk
KOMADANTE APC MUNÍSIPIU MANUFAHI SAI ORADÓR BA SITUASAUN KLIMÁTIKA BA BE’E SANEAMENTU NO IJIENE
Manufahi, 20 Novembru 2023 – Komadante Operasaun Autoridade Proteção Civil (APC) Munisípiu Manufahi Inspetúr polísia Nivio Celestinho Jerónimo Baptista, Segunda-Feira ne’e, sai oradór ba programa husi WaterAid nudár ONG internasionál iha dedikasaun atu fornese...
PREZIDENTI APC KONVOKA ENKONTRU BA PREPARASAUN EVENTU (RCG) IHA TIMOR-LESTE
Dili, 20 Novembru 2023 – Prezidenti Autoridade Proteção Civíl (APC), Sup. Polísia Ismael da Costa Babo konvoka enkontru hó estrutura Autoridade Protesaun Sivíl kona-bá preparasaun semináriu Humanitarian Civil-Military Coordination for Asia and the Pacific iha salaun...
𝐀𝐏𝐂 𝐑𝐄𝐒𝐉𝐈𝐒𝐓𝐀 𝐔𝐌𝐀 𝟏𝟐 𝐇𝐄𝐓𝐀𝐍 𝐄𝐒𝐓𝐑𝐀𝐆𝐔𝐒, 𝐋𝐀𝐈𝐇𝐀 𝐊𝐀𝐍𝐄𝐊 𝐍𝐎 𝐌𝐀𝐓𝐄
𝐇𝐚𝐡𝐮́ 𝐡𝐨𝐬𝐢 𝟏𝟒 𝐭𝐨’𝐨 𝟐𝟎 𝐧𝐨𝐯𝐞m𝐛𝐫𝐮 𝟐𝟎𝟐𝟑 𝐬𝐞𝐦𝐚𝐧𝐚 𝐧𝐞’𝐞, 𝐀𝐮𝐭𝐨𝐫𝐢𝐝𝐚𝐝𝐞 𝐏𝐫𝐨𝐭𝐞𝐬𝐚𝐮𝐧 𝐒𝐢𝐯𝐢́𝐥 (𝐀𝐏𝐒) 𝐫𝐞𝐣𝐢𝐬𝐭𝐚 𝐮𝐦𝐚 𝐡𝐚𝐦𝐮𝐭𝐮𝐤 𝟏𝟐 𝐡𝐞𝐭𝐚𝐧 𝐞𝐬𝐭𝐫𝐚𝐠𝐮𝐬 𝐢𝐦𝐩𝐚𝐤𝐭𝐮 𝐡𝐨𝐬𝐢 𝐝𝐞𝐳𝐚𝐬𝐭𝐫𝐞 𝐢𝐧𝐬𝐞́𝐧𝐝𝐢𝐮, 𝐮𝐝𝐚𝐧 𝐧𝐨 𝐚𝐧𝐢𝐧 𝐬𝐨𝐛𝐮 𝐢𝐡𝐚 𝐦𝐮𝐧𝐢𝐬𝐢́𝐩𝐢𝐮 𝐃𝐢𝐥𝐢, 𝐄𝐫𝐦𝐞𝐫𝐚, 𝐋𝐢𝐤𝐢𝐬𝐚, 𝐌𝐚𝐧𝐚𝐭𝐮𝐭𝐨, 𝐌𝐚𝐧𝐮𝐟𝐚𝐡𝐢 𝐧𝐨 𝐕𝐢𝐤𝐞𝐤𝐞. Atualizasaun dadus dezastre...