MAUBESSI, 29 Setembru 2022 – Autoridade Protesaun Sivíl liuhusi Diretór Diresaun Nasionál Prevensaun Konflitu Komunitáriu (DNPKK), António Viegas sai oradór iha diálogu hodi ko’alia kona-ba harii pás, prevensaun no rezolusaun konflitu, ne’ebé organiza hosi Ministériu Solidariedade Sosiál no Inkluzaun-(MSSI) iha Suku Maubessi, Postu Administrativu Maubessi Villa, Munisípiu Ainaro.
Diretór DNPKK António Viegas konsidera diálogu importante bele lori solusaun di’ak ba problema iha komunidade, nunee bele kria pás no estabilidade.
“Agradese tebes ho diálogu ne’ebé organiza hosi MSSI nuudar meius di’ak ida atu fó solusaun ba problema iha komunidade, hahú kedas nível aldeia, suku, postu to’o, munisípiu. Hanesan lema DNPKK nian Di’ak Liu Prevene, Duké Kura,” haktuir Diretór DNPKK.
Diretór António hateten, “Inan aman sira iha suku Maubessi atu fó atensaun ba oan sira atu labele envolve iha konflitu, tanba konflitu sei fó impaktu negativu ba oan sira nia-an bele mate, kanek, no ba ospitál. Oan sira tenke hadook an hosi konflitu atu labele pertuba estabilidade no seguransa iha laran, nunee bele fó biban ba ita-nia seguransa PNTL ho F-FDTL atu konsentra no fó atensaun seguransa ba área fronteira rai maran no tasi nian, atu proteje ita-nia riku so’i tasi nian hanesan ikan, ne’ebé tinan-tinan lakon.”
Iha parte seluk, Direjente DNPKK fundamenta Maubessi rai bokur no potensiál tebes ba produtu horte kultura, ne’ebé bele hasa’e rendementu moris família nian, tanba ne’e persija joven sira-nia kreativu no badinas atu dezenvolve Maubessi.
Ikus liu, Oradór DNPKK ne’e, husik hela mensajen ikus, no alerta ba komunidade Maubessi atu kuidadu-an hosi risku dezastre naturais liuliu iha tempu udan, anin no rai monu. Buat importante ida mak komunidade labele halo uma iha fatin risku, no labele tesi ai-horis arbiru.
Caption Photos: Diretor DNPKK, Antonio Viegas wainhira sai orador iha Dialogu komunitaria ne´ebe halao iha Maubessi, Munisipiu Ainaro.
File foto: Maibessi
——————————————-
Notisia Seluk
APC Sorumutu Ho SPREP
Dili, 31 Outubru 2023-Prezidente Autoridade Proteção Civíl (APC), Superintendente PNTL, Ismael da Costa Babo akompaña hosi Diretór Sentru Formasaun, Claudio da Silva, Adjunto Operasaun Áero, Mariano Ana Lopes atende reuniaun, ho ekipa hosi Secretariat of the Pacific...
APC ENKONTRU ESPESIAL HO GOVERNU NORTHERN TERRITORY AUSTRALIA
DILI, 26 de Outubru de 2023-Presidente Autoridade Protecão Civíl, Superintendente Polísia, Ismael da Costa Balo, akompaña husi Diretór GREC Anacleto Caetano, Adjunto Marítima, Serafim da Costa no Adjunto Aero Mariano Ana Lopes, hala’o enkontru ho delegasaun Governo...
𝐀𝐏𝐂 𝐇𝐄𝐓𝐀𝐍 𝐀𝐓𝐔𝐀𝐋𝐈𝐙𝐀𝐒𝐀𝐔𝐍 𝐒𝐄𝐑𝐕𝐈𝐒𝐔 𝐊𝐉𝐃𝐒 𝐋𝐈𝐆𝐀 𝐁𝐀 𝐏𝐑𝐄𝐕𝐄𝐍𝐒𝐀𝐔𝐍 𝐃𝐄𝐙𝐀𝐒𝐓𝐑𝐄
Díli, 20 Outubro 2023-Autoridade Proteção Civíl (APC) liuhusi Adjunto Operasaun Marítima, Serafim da Costa, ho Adjunto Operasaun Áero, Mariano Ana Lopes simu audiénsia ekipa hosi Mata Dalan Instituto (MDI), Ra'es Hadomi Timor Oan (RHTO) ho Komisaun Jestaun Dezastre...