MAUBESSI, 29 Setembru 2022 – Autoridade Protesaun Sivíl liuhusi Diretór Diresaun Nasionál Prevensaun Konflitu Komunitáriu (DNPKK), António Viegas sai oradór iha diálogu hodi ko’alia kona-ba harii pás, prevensaun no rezolusaun konflitu, ne’ebé organiza hosi Ministériu Solidariedade Sosiál no Inkluzaun-(MSSI) iha Suku Maubessi, Postu Administrativu Maubessi Villa, Munisípiu Ainaro.
Diretór DNPKK António Viegas konsidera diálogu importante bele lori solusaun di’ak ba problema iha komunidade, nunee bele kria pás no estabilidade.
“Agradese tebes ho diálogu ne’ebé organiza hosi MSSI nuudar meius di’ak ida atu fó solusaun ba problema iha komunidade, hahú kedas nível aldeia, suku, postu to’o, munisípiu. Hanesan lema DNPKK nian Di’ak Liu Prevene, Duké Kura,” haktuir Diretór DNPKK.
Diretór António hateten, “Inan aman sira iha suku Maubessi atu fó atensaun ba oan sira atu labele envolve iha konflitu, tanba konflitu sei fó impaktu negativu ba oan sira nia-an bele mate, kanek, no ba ospitál. Oan sira tenke hadook an hosi konflitu atu labele pertuba estabilidade no seguransa iha laran, nunee bele fó biban ba ita-nia seguransa PNTL ho F-FDTL atu konsentra no fó atensaun seguransa ba área fronteira rai maran no tasi nian, atu proteje ita-nia riku so’i tasi nian hanesan ikan, ne’ebé tinan-tinan lakon.”
Iha parte seluk, Direjente DNPKK fundamenta Maubessi rai bokur no potensiál tebes ba produtu horte kultura, ne’ebé bele hasa’e rendementu moris família nian, tanba ne’e persija joven sira-nia kreativu no badinas atu dezenvolve Maubessi.
Ikus liu, Oradór DNPKK ne’e, husik hela mensajen ikus, no alerta ba komunidade Maubessi atu kuidadu-an hosi risku dezastre naturais liuliu iha tempu udan, anin no rai monu. Buat importante ida mak komunidade labele halo uma iha fatin risku, no labele tesi ai-horis arbiru.
Caption Photos: Diretor DNPKK, Antonio Viegas wainhira sai orador iha Dialogu komunitaria ne´ebe halao iha Maubessi, Munisipiu Ainaro.
File foto: Maibessi
——————————————-
Notisia Seluk
SEPC HALO VIZITA DAHULUK BA APC MUNISÍPIU 5
Atu haree besik servisu Komando Autoridade Protesaun Sivíl iha munisípiu sira, Sekretáriu Estadu Protesaun Sivil , Domingos Mariano Reis ho komitiva iha dia 7-9 Jullu 2023 halo vizita dahuluk ba Komando Autoridade Protesaun Sivil munisípiu kovalima, Bobonaro, Aileu,...
SEPS OBSERVA FATIN DEZASTRE NATURAIS MUNISIPIU 3
Hafoin akontesimentu udan ho intensidade boot ba munispiu sira iha parte kosta sul nian hodi hamosu inudansaun, rai halai hodi estraga infrastutura bazika hanesan uma, eskola, estrada, ponte no komunidade barak sai vitima mak, ho Secretaria de Estado da Protecao Civil...
UNFPA APOIA PAKOTE DIGNITY KIDS BA APC
Dili, 06 Jullu 2023- Presidente Autoridade Protesaun Sivíl( APC) Superientedente PNTL, Ismael da Costa BabO simu apoia doasaun pakote Dignity Kits husi UNFPA ba Autoridade Protesaun Sivíl, ne’ebé entrega direitamente husi Officer in Charg UNFPA iha Timor Leste,...