MAUBESSI, 29 Setembru 2022 – Autoridade Protesaun Sivíl liuhusi Diretór Diresaun Nasionál Prevensaun Konflitu Komunitáriu (DNPKK), António Viegas sai oradór iha diálogu hodi ko’alia kona-ba harii pás, prevensaun no rezolusaun konflitu, ne’ebé organiza hosi Ministériu Solidariedade Sosiál no Inkluzaun-(MSSI) iha Suku Maubessi, Postu Administrativu Maubessi Villa, Munisípiu Ainaro.
Diretór DNPKK António Viegas konsidera diálogu importante bele lori solusaun di’ak ba problema iha komunidade, nunee bele kria pás no estabilidade.
“Agradese tebes ho diálogu ne’ebé organiza hosi MSSI nuudar meius di’ak ida atu fó solusaun ba problema iha komunidade, hahú kedas nível aldeia, suku, postu to’o, munisípiu. Hanesan lema DNPKK nian Di’ak Liu Prevene, Duké Kura,” haktuir Diretór DNPKK.
Diretór António hateten, “Inan aman sira iha suku Maubessi atu fó atensaun ba oan sira atu labele envolve iha konflitu, tanba konflitu sei fó impaktu negativu ba oan sira nia-an bele mate, kanek, no ba ospitál. Oan sira tenke hadook an hosi konflitu atu labele pertuba estabilidade no seguransa iha laran, nunee bele fó biban ba ita-nia seguransa PNTL ho F-FDTL atu konsentra no fó atensaun seguransa ba área fronteira rai maran no tasi nian, atu proteje ita-nia riku so’i tasi nian hanesan ikan, ne’ebé tinan-tinan lakon.”
Iha parte seluk, Direjente DNPKK fundamenta Maubessi rai bokur no potensiál tebes ba produtu horte kultura, ne’ebé bele hasa’e rendementu moris família nian, tanba ne’e persija joven sira-nia kreativu no badinas atu dezenvolve Maubessi.
Ikus liu, Oradór DNPKK ne’e, husik hela mensajen ikus, no alerta ba komunidade Maubessi atu kuidadu-an hosi risku dezastre naturais liuliu iha tempu udan, anin no rai monu. Buat importante ida mak komunidade labele halo uma iha fatin risku, no labele tesi ai-horis arbiru.
Caption Photos: Diretor DNPKK, Antonio Viegas wainhira sai orador iha Dialogu komunitaria ne´ebe halao iha Maubessi, Munisipiu Ainaro.
File foto: Maibessi
——————————————-
Notisia Seluk
𝐀𝐏𝐂 𝐀𝐏𝐑𝐄𝐙𝐄𝐍𝐓𝐀 𝐏𝐑𝐎𝐆𝐑𝐄𝐒𝐀𝐔𝐍 𝐒𝐄𝐑𝐕𝐈𝐒𝐔 𝟐𝟎𝟐𝟑 𝐇𝐎 𝐏𝐋𝐀𝐍𝐔 𝐏𝐑𝐈𝐎𝐑𝐈𝐄𝐃𝐀𝐃𝐄 𝟐𝟎𝟐𝟒
Dili, 25 setembru 2023-Prezidente Autoridade Protesaun Sivíl (APC), Superintendente PNTL, Ismael da Costa Babo akompaña hosi estrutura tomak aprezenta progresaun servisu, ezekusaun orsamentu APC 2023 no planu prioriedade 2024 iha ámbitu sorumutu alargada “kona-ba...
EKIPA JURI HO GIAI APC HALO INSPESAUN BA EKIPAMENTOS DNB
Dili, 25 Setembru de 2023-Autoridade Proteção Civil (APC) liuhusi Juri servisu hamutuk entre Gabinete inspeksaun Auditoria Interna GIAI, Lojístika APC hala’o Inspeksaun ba Ekipamentu sira ne’ebé maka kompania HAKSOLOK HJM UNIPESSOAL LDA, sosa ba DNB nian iha Armajem...
APC HAHÚ SIMU DOKUMENTUS BA KANDIDATU FOUN
Dili, 25 Setembru 2023- Autoridade Protesaun Sivil, Diresaun Nasional Jestaun Rekursu (DNGR) liuhusi ekipa Juri Rekrutamentu hahu simu dokumentus ba kandidatu foun sira ho númeru referénsia hahu husi 03/IX/202317/IX/2023. kandidatu sira ida- idak disede tuir nia...