MAUBESSI, 29 Setembru 2022 – Autoridade Protesaun Sivíl liuhusi Diretór Diresaun Nasionál Prevensaun Konflitu Komunitáriu (DNPKK), António Viegas sai oradór iha diálogu hodi ko’alia kona-ba harii pás, prevensaun no rezolusaun konflitu, ne’ebé organiza hosi Ministériu Solidariedade Sosiál no Inkluzaun-(MSSI) iha Suku Maubessi, Postu Administrativu Maubessi Villa, Munisípiu Ainaro.
Diretór DNPKK António Viegas konsidera diálogu importante bele lori solusaun di’ak ba problema iha komunidade, nunee bele kria pás no estabilidade.
“Agradese tebes ho diálogu ne’ebé organiza hosi MSSI nuudar meius di’ak ida atu fó solusaun ba problema iha komunidade, hahú kedas nível aldeia, suku, postu to’o, munisípiu. Hanesan lema DNPKK nian Di’ak Liu Prevene, Duké Kura,” haktuir Diretór DNPKK.
Diretór António hateten, “Inan aman sira iha suku Maubessi atu fó atensaun ba oan sira atu labele envolve iha konflitu, tanba konflitu sei fó impaktu negativu ba oan sira nia-an bele mate, kanek, no ba ospitál. Oan sira tenke hadook an hosi konflitu atu labele pertuba estabilidade no seguransa iha laran, nunee bele fó biban ba ita-nia seguransa PNTL ho F-FDTL atu konsentra no fó atensaun seguransa ba área fronteira rai maran no tasi nian, atu proteje ita-nia riku so’i tasi nian hanesan ikan, ne’ebé tinan-tinan lakon.”
Iha parte seluk, Direjente DNPKK fundamenta Maubessi rai bokur no potensiál tebes ba produtu horte kultura, ne’ebé bele hasa’e rendementu moris família nian, tanba ne’e persija joven sira-nia kreativu no badinas atu dezenvolve Maubessi.
Ikus liu, Oradór DNPKK ne’e, husik hela mensajen ikus, no alerta ba komunidade Maubessi atu kuidadu-an hosi risku dezastre naturais liuliu iha tempu udan, anin no rai monu. Buat importante ida mak komunidade labele halo uma iha fatin risku, no labele tesi ai-horis arbiru.
Caption Photos: Diretor DNPKK, Antonio Viegas wainhira sai orador iha Dialogu komunitaria ne´ebe halao iha Maubessi, Munisipiu Ainaro.
File foto: Maibessi
——————————————-
Notisia Seluk
APC ENKONTRU HO JDRAC
Dili, 10 Maiu 2023 - Organizasaun Naun Governu (ONG) Japan Demining and Reconstruction Assistance Center (JDRAC) kontinua nia komitmentu hodi halao atividade iha Timor-Leste maski dadauk ne´e taka ona nia edifisiu iha Timor-Leste.Vice Chairman JDRAC, Hiromichi...
GREC DESEMINA LEI APC BA KADETES 96.
Dili, 11 Maiu 2023- Gabinete Relasaun Externa no Komunikasaun (GREC) Deseminasaun Lei Base Protesaun Sivil LEI N.º 12/2020 de 2 de dezembro LEI BASE DA PROTESAUNSIVIL ba kadetes Bombeirus foun sira ne´ebé halao hela formasaun iha Kuartél Unidade Espesiál-APC, Comoro,...
Mediadór/a mak Apc nia liña frente
Lia hirak ne’e, hateten husi Prezidente Autoridade Proteção Civil (APC) Sr. Ismail da Costa Babo bainhira partisipa seremónia enseramentu ba workshop on Gender-responsive mediation and transformative leadership for gender equality iha Suai Room-Timor Plaza,...