MAUBESSI, 29 Setembru 2022 – Autoridade Protesaun Sivíl liuhusi Diretór Diresaun Nasionál Prevensaun Konflitu Komunitáriu (DNPKK), António Viegas sai oradór iha diálogu hodi ko’alia kona-ba harii pás, prevensaun no rezolusaun konflitu, ne’ebé organiza hosi Ministériu Solidariedade Sosiál no Inkluzaun-(MSSI) iha Suku Maubessi, Postu Administrativu Maubessi Villa, Munisípiu Ainaro.
Diretór DNPKK António Viegas konsidera diálogu importante bele lori solusaun di’ak ba problema iha komunidade, nunee bele kria pás no estabilidade.
“Agradese tebes ho diálogu ne’ebé organiza hosi MSSI nuudar meius di’ak ida atu fó solusaun ba problema iha komunidade, hahú kedas nível aldeia, suku, postu to’o, munisípiu. Hanesan lema DNPKK nian Di’ak Liu Prevene, Duké Kura,” haktuir Diretór DNPKK.
Diretór António hateten, “Inan aman sira iha suku Maubessi atu fó atensaun ba oan sira atu labele envolve iha konflitu, tanba konflitu sei fó impaktu negativu ba oan sira nia-an bele mate, kanek, no ba ospitál. Oan sira tenke hadook an hosi konflitu atu labele pertuba estabilidade no seguransa iha laran, nunee bele fó biban ba ita-nia seguransa PNTL ho F-FDTL atu konsentra no fó atensaun seguransa ba área fronteira rai maran no tasi nian, atu proteje ita-nia riku so’i tasi nian hanesan ikan, ne’ebé tinan-tinan lakon.”
Iha parte seluk, Direjente DNPKK fundamenta Maubessi rai bokur no potensiál tebes ba produtu horte kultura, ne’ebé bele hasa’e rendementu moris família nian, tanba ne’e persija joven sira-nia kreativu no badinas atu dezenvolve Maubessi.
Ikus liu, Oradór DNPKK ne’e, husik hela mensajen ikus, no alerta ba komunidade Maubessi atu kuidadu-an hosi risku dezastre naturais liuliu iha tempu udan, anin no rai monu. Buat importante ida mak komunidade labele halo uma iha fatin risku, no labele tesi ai-horis arbiru.
Caption Photos: Diretor DNPKK, Antonio Viegas wainhira sai orador iha Dialogu komunitaria ne´ebe halao iha Maubessi, Munisipiu Ainaro.
File foto: Maibessi
——————————————-
Notisia Seluk
PROFILE KOMADANTE OPERASIONAL APC
Komandante Operasaun Nasional APC Superintendente Assistenti PNTL Nuno Romualdo Gomes Superintendente Assistenti Nuno Romualdo Gomes, moris iha Dili, 23 Outubro 1973. Nu´udar polisia ho nia lisensiatura Administrasaun Publika antes asumi kargu nu´udar Komandante...
Presidente Autoridade Proteção Civil, Superintendenti Polisia Ismael da Costa Babo, M.Sc lidera inkontru preparatoria Grupu Traballu ba Investimentu Redusaun Risku Desastre (DRR) ne´ebe inisiativa hosi Japan International Cooperation Agency (JICA) Timor-Leste.
DILI, 19 Outubru 2022 Presidente Autoridade Proteção Civil, Superintendenti Polisia Ismael da Costa Babo, M.Sc lidera inkontru preparatoria Grupu Traballu ba Investimentu Redusaun Risku Desastre (DRR) ne´ebe inisiativa hosi Japan International Cooperation Agency...
Komandante Operasaun Nasional APC, Superintedente Assistenti Polisia Nuno R. Gomes partisipa workshop kona ba Hasa´e Kapasidade Alerta Sedu iha Timor-Leste ne´ebe organiza hosi Ajensia Nasoens Unidas ba Migrasaun (IOM) servisu hamutuk ho Pacific Disaster Center (PDC), Open Mapping Hub Asia Pasifiku no USAID. Workshop ne´e realiza iha Suai Room, Timor Plaza, Dili.
DILI, 13 Outubru 2022 - Kandidatu Funsionariu Publiku ba Autoridade Proteção Civil (APC) vagas Bombeiros hamutuk ema nain 2.360 hahu ona ezame eskrita iha edifisiu Komisaun Funsaun Publiku (CFP), Kinta (13/10/2022), iha Dili....