MAUBESSI, 29 Setembru 2022 – Autoridade Protesaun Sivíl liuhusi Diretór Diresaun Nasionál Prevensaun Konflitu Komunitáriu (DNPKK), António Viegas sai oradór iha diálogu hodi ko’alia kona-ba harii pás, prevensaun no rezolusaun konflitu, ne’ebé organiza hosi Ministériu Solidariedade Sosiál no Inkluzaun-(MSSI) iha Suku Maubessi, Postu Administrativu Maubessi Villa, Munisípiu Ainaro.
Diretór DNPKK António Viegas konsidera diálogu importante bele lori solusaun di’ak ba problema iha komunidade, nunee bele kria pás no estabilidade.
“Agradese tebes ho diálogu ne’ebé organiza hosi MSSI nuudar meius di’ak ida atu fó solusaun ba problema iha komunidade, hahú kedas nível aldeia, suku, postu to’o, munisípiu. Hanesan lema DNPKK nian Di’ak Liu Prevene, Duké Kura,” haktuir Diretór DNPKK.
Diretór António hateten, “Inan aman sira iha suku Maubessi atu fó atensaun ba oan sira atu labele envolve iha konflitu, tanba konflitu sei fó impaktu negativu ba oan sira nia-an bele mate, kanek, no ba ospitál. Oan sira tenke hadook an hosi konflitu atu labele pertuba estabilidade no seguransa iha laran, nunee bele fó biban ba ita-nia seguransa PNTL ho F-FDTL atu konsentra no fó atensaun seguransa ba área fronteira rai maran no tasi nian, atu proteje ita-nia riku so’i tasi nian hanesan ikan, ne’ebé tinan-tinan lakon.”
Iha parte seluk, Direjente DNPKK fundamenta Maubessi rai bokur no potensiál tebes ba produtu horte kultura, ne’ebé bele hasa’e rendementu moris família nian, tanba ne’e persija joven sira-nia kreativu no badinas atu dezenvolve Maubessi.
Ikus liu, Oradór DNPKK ne’e, husik hela mensajen ikus, no alerta ba komunidade Maubessi atu kuidadu-an hosi risku dezastre naturais liuliu iha tempu udan, anin no rai monu. Buat importante ida mak komunidade labele halo uma iha fatin risku, no labele tesi ai-horis arbiru.
Caption Photos: Diretor DNPKK, Antonio Viegas wainhira sai orador iha Dialogu komunitaria ne´ebe halao iha Maubessi, Munisipiu Ainaro.
File foto: Maibessi
——————————————-
Notisia Seluk
APC COVALIMA PARTISIPA ENKONTRU HO PARSEIRU MERCY CORPS
Covalima, 26 Marsu 2025 –Komandante APC Covalima Celestino Afonso Ferreira hamutuk ho Autoridade Lokal Suku Oges no Suku Belecasac husi Postu Administrativu Maukatar, Munsípiu Covalima komvoka enkontru ho parseiru Mercy Corps iha salaun CVTL Filial Covalima hodi...
FERNANDO PUNEF HAKOTU IS TAMBA INSÉNDIU
RAEOA, 26 Marsu 2025- Fenando Punef hakotu nia is hafoin akontese inséndiu ne’ebé kauza husi sirkuitu eletrisidade iha loron 25 fulan Marsu tinan 2025, iha tuku 20: 4o kalan, iha Aldeia Kuatenes, Suku Lela-Ufe, Sub-Rejiaun Nítibe, RAEOA. Tuir informasaun ne’ebé...
SMPC ORGANIZA FORMASAUN JESTAUN RISKU DEZASTRE BA KMPC
Baucau, 25 Marsu 2025- Komandante Autoridade Protesaun Sivil Munisipiu Baucau Francisco Viana Freitas ho estrutura partisipa formasaun kona-bá Konsellu Munisipal Protesaun Sivil (KMPC) iha Baucau ne'ebé organiza husi Servisu Munisipal Protesaun Sivil (SMPC) Munisipiu...