MAUBESSI, 29 Setembru 2022 – Autoridade Protesaun Sivíl liuhusi Diretór Diresaun Nasionál Prevensaun Konflitu Komunitáriu (DNPKK), António Viegas sai oradór iha diálogu hodi ko’alia kona-ba harii pás, prevensaun no rezolusaun konflitu, ne’ebé organiza hosi Ministériu Solidariedade Sosiál no Inkluzaun-(MSSI) iha Suku Maubessi, Postu Administrativu Maubessi Villa, Munisípiu Ainaro.
Diretór DNPKK António Viegas konsidera diálogu importante bele lori solusaun di’ak ba problema iha komunidade, nunee bele kria pás no estabilidade.
“Agradese tebes ho diálogu ne’ebé organiza hosi MSSI nuudar meius di’ak ida atu fó solusaun ba problema iha komunidade, hahú kedas nível aldeia, suku, postu to’o, munisípiu. Hanesan lema DNPKK nian Di’ak Liu Prevene, Duké Kura,” haktuir Diretór DNPKK.
Diretór António hateten, “Inan aman sira iha suku Maubessi atu fó atensaun ba oan sira atu labele envolve iha konflitu, tanba konflitu sei fó impaktu negativu ba oan sira nia-an bele mate, kanek, no ba ospitál. Oan sira tenke hadook an hosi konflitu atu labele pertuba estabilidade no seguransa iha laran, nunee bele fó biban ba ita-nia seguransa PNTL ho F-FDTL atu konsentra no fó atensaun seguransa ba área fronteira rai maran no tasi nian, atu proteje ita-nia riku so’i tasi nian hanesan ikan, ne’ebé tinan-tinan lakon.”
Iha parte seluk, Direjente DNPKK fundamenta Maubessi rai bokur no potensiál tebes ba produtu horte kultura, ne’ebé bele hasa’e rendementu moris família nian, tanba ne’e persija joven sira-nia kreativu no badinas atu dezenvolve Maubessi.
Ikus liu, Oradór DNPKK ne’e, husik hela mensajen ikus, no alerta ba komunidade Maubessi atu kuidadu-an hosi risku dezastre naturais liuliu iha tempu udan, anin no rai monu. Buat importante ida mak komunidade labele halo uma iha fatin risku, no labele tesi ai-horis arbiru.
Caption Photos: Diretor DNPKK, Antonio Viegas wainhira sai orador iha Dialogu komunitaria ne´ebe halao iha Maubessi, Munisipiu Ainaro.
File foto: Maibessi
——————————————-
Notisia Seluk
Reprezentante Banku Mundial hasoru malu ho Prezidenti Autoridade Proteção Civil
Dili, 26 Janieiru 2023 - Reprezentante Banku Mundial hasoru malu ho Prezidenti Autoridade Proteção Civil, Superintendente Polisia Ismael da Costa Babo, M.Sc hodi informa rezultadu final workshop ne´ebe halao iha 25 Janieiru 2023. Banku Mundial planea atu fo...
APC Fó Apresiasaun ba Eis Country Director JICA
Díli, 27 janeiru 2023-Prezidente Autoridade Protesaun Civil (APC), Superientendente Polísia Ismael da Costa Babo akompana hosi Komandante Operasaun Nasionál APC, Superientendente Asistente Polísia Nuno Romualdo Gomes, Asesór Evangelisto Gantry dos Santos Meilana fó...
SEPS no Diretor GPEA Partisipa Retiru Membru Governu Konstitusional VIII Iha MNEK
DILI, 21 outubru 2022 (GREC) – Sekretáriu Estadu Protesaun Sivil (SEPS), Joaquim José Gusmão dos Reis Martins hamutuk ho Diretor Gabinete Planeamentu Estratejiku no Asesoria, Francisco Soares, sesta feira ne’e partisipa iha retiru membru Governu Konstitusionál VIII...