MAUBESSI, 29 Setembru 2022 – Autoridade Protesaun Sivíl liuhusi Diretór Diresaun Nasionál Prevensaun Konflitu Komunitáriu (DNPKK), António Viegas sai oradór iha diálogu hodi ko’alia kona-ba harii pás, prevensaun no rezolusaun konflitu, ne’ebé organiza hosi Ministériu Solidariedade Sosiál no Inkluzaun-(MSSI) iha Suku Maubessi, Postu Administrativu Maubessi Villa, Munisípiu Ainaro.
Diretór DNPKK António Viegas konsidera diálogu importante bele lori solusaun di’ak ba problema iha komunidade, nunee bele kria pás no estabilidade.
“Agradese tebes ho diálogu ne’ebé organiza hosi MSSI nuudar meius di’ak ida atu fó solusaun ba problema iha komunidade, hahú kedas nível aldeia, suku, postu to’o, munisípiu. Hanesan lema DNPKK nian Di’ak Liu Prevene, Duké Kura,” haktuir Diretór DNPKK.
Diretór António hateten, “Inan aman sira iha suku Maubessi atu fó atensaun ba oan sira atu labele envolve iha konflitu, tanba konflitu sei fó impaktu negativu ba oan sira nia-an bele mate, kanek, no ba ospitál. Oan sira tenke hadook an hosi konflitu atu labele pertuba estabilidade no seguransa iha laran, nunee bele fó biban ba ita-nia seguransa PNTL ho F-FDTL atu konsentra no fó atensaun seguransa ba área fronteira rai maran no tasi nian, atu proteje ita-nia riku so’i tasi nian hanesan ikan, ne’ebé tinan-tinan lakon.”
Iha parte seluk, Direjente DNPKK fundamenta Maubessi rai bokur no potensiál tebes ba produtu horte kultura, ne’ebé bele hasa’e rendementu moris família nian, tanba ne’e persija joven sira-nia kreativu no badinas atu dezenvolve Maubessi.
Ikus liu, Oradór DNPKK ne’e, husik hela mensajen ikus, no alerta ba komunidade Maubessi atu kuidadu-an hosi risku dezastre naturais liuliu iha tempu udan, anin no rai monu. Buat importante ida mak komunidade labele halo uma iha fatin risku, no labele tesi ai-horis arbiru.
Caption Photos: Diretor DNPKK, Antonio Viegas wainhira sai orador iha Dialogu komunitaria ne´ebe halao iha Maubessi, Munisipiu Ainaro.
File foto: Maibessi
——————————————-
Notisia Seluk
APC LAUTÉM PARTISIPA IHA ENKONTRU REGULAR KONSELLU MUNISÍPAL PROTESAUN SIVÍL (CMPC)
Lautém, 21 Marsu 2025 - Komandante Autoridade Protesaun Sivíl Munisípiu Lautém interinu Martinho de Carvalho, ne'ebé akompaña husi Xefe Gabinete Munisípal Jestaun Risku Dezastre no Rekuperasaun, partisipa iha enkontru regular Konsellu Munisipal Protesaun Sivíl...
APC BAUCAU ASESMENTU BA VÍTIMA AFETADA IHA POSTU ADMINISTRATIVU LAGA
Baucau, 20 Marsu 2025- Xefe Gabinete Rekoperasaun APC Munisípiu Baucau Francisco Mateus Soares hamututk ho ekipa halo verifikasaun ba uma hela fatin, Domingos Boavida ne'ebe hetan estragus tamba kauza husi anin bo'ot no udan ne’ebé iha 4 fulan Fevereiru tinan...
APC RAEOA SIMU VIZITA HUSI EKIPA GIAI APC NASIONAL
RAEOA, 20 Marsu 2025-Autoridade Protesaun Sivil liu husi Gabinete Inspeksaun Auditoria Interna (GIAI) ne’ebé lidera husi Xefe Departamentu Rekopersaun Nasionál Gustavio José Lopes hamutuk ho ekipa hodi hala’o inspeksaun ba benefisiáriu ida husi RAEOA ne’ebé fiskaliza...