MAUBESSI, 29 Setembru 2022 – Autoridade Protesaun Sivíl liuhusi Diretór Diresaun Nasionál Prevensaun Konflitu Komunitáriu (DNPKK), António Viegas sai oradór iha diálogu hodi ko’alia kona-ba harii pás, prevensaun no rezolusaun konflitu, ne’ebé organiza hosi Ministériu Solidariedade Sosiál no Inkluzaun-(MSSI) iha Suku Maubessi, Postu Administrativu Maubessi Villa, Munisípiu Ainaro.
Diretór DNPKK António Viegas konsidera diálogu importante bele lori solusaun di’ak ba problema iha komunidade, nunee bele kria pás no estabilidade.
“Agradese tebes ho diálogu ne’ebé organiza hosi MSSI nuudar meius di’ak ida atu fó solusaun ba problema iha komunidade, hahú kedas nível aldeia, suku, postu to’o, munisípiu. Hanesan lema DNPKK nian Di’ak Liu Prevene, Duké Kura,” haktuir Diretór DNPKK.
Diretór António hateten, “Inan aman sira iha suku Maubessi atu fó atensaun ba oan sira atu labele envolve iha konflitu, tanba konflitu sei fó impaktu negativu ba oan sira nia-an bele mate, kanek, no ba ospitál. Oan sira tenke hadook an hosi konflitu atu labele pertuba estabilidade no seguransa iha laran, nunee bele fó biban ba ita-nia seguransa PNTL ho F-FDTL atu konsentra no fó atensaun seguransa ba área fronteira rai maran no tasi nian, atu proteje ita-nia riku so’i tasi nian hanesan ikan, ne’ebé tinan-tinan lakon.”
Iha parte seluk, Direjente DNPKK fundamenta Maubessi rai bokur no potensiál tebes ba produtu horte kultura, ne’ebé bele hasa’e rendementu moris família nian, tanba ne’e persija joven sira-nia kreativu no badinas atu dezenvolve Maubessi.
Ikus liu, Oradór DNPKK ne’e, husik hela mensajen ikus, no alerta ba komunidade Maubessi atu kuidadu-an hosi risku dezastre naturais liuliu iha tempu udan, anin no rai monu. Buat importante ida mak komunidade labele halo uma iha fatin risku, no labele tesi ai-horis arbiru.
Caption Photos: Diretor DNPKK, Antonio Viegas wainhira sai orador iha Dialogu komunitaria ne´ebe halao iha Maubessi, Munisipiu Ainaro.
File foto: Maibessi
——————————————-
Notisia Seluk
𝐏𝐑𝐄𝐙𝐈𝐃𝐄𝐍𝐓I 𝐀𝐏𝐂 𝐀𝐓𝐔𝐀𝐋 𝐇𝐔𝐒𝐔 𝐁𝐀 𝐅𝐔𝐍𝐒𝐈𝐎𝐍Á𝐑𝐈𝐔 𝐂𝐍𝐎𝐏𝐒 𝐇𝐎 𝐀𝐏𝐂 𝐃𝐈𝐋𝐈 𝐀𝐓𝐔 𝐀𝐏𝐎𝐈𝐔 𝐏𝐑𝐄𝐙𝐈𝐃𝐄𝐍𝐓I 𝐀𝐏𝐂 𝐅𝐎𝐔𝐍
Dili, 17 Jullu 2024- Prezidenti Autoridade Protesaun Sivíl (APC) atual, Superintendente Polisia Ismael da Costa Babo akompaña hosi Prezidenti APC foun kontinua konvoka enkontru despedida no agradesimentu ho estrutura Komandu APC Nasional no funsionariu APC munisipiu...
APC LAUTÉM KONTINUA HALA’O PROGRAMA MONITORIZASAUN
Lautém, 17 Jullu 2024 -Komandu Operasional Autoridade Protesaun Sivíl (APC) Munisípiu Lautém, ohin liuhusi servisu Diresaun Nasional Jestaun Risku Dezastre (DNGRD), kontinua hala'o monitorizasaun ba vítima dezastre naturais ou benefisi’ariu sira ne'ebé hetan ona apoiu...
PREZIDENTI APC ATUÁL KONTINUA SORUMUTU HO DNGR, MOLOK TERMINA MANDATU
Dili, 16 Jullu 2024-Molok konklui mandatu, Prezidenti APC atu’al, Superitendente Polisia, Ismael da Costa Babo hala’o sorumutu ikus ho Diretor, Xefe Departamentu, Xefe Seksaun no funsionariu Diresaun Nasional Jestaun Rekursu (DNGR) iha salaun APC, Kaikoli. Iha...