MAUBESSI, 29 Setembru 2022 – Autoridade Protesaun Sivíl liuhusi Diretór Diresaun Nasionál Prevensaun Konflitu Komunitáriu (DNPKK), António Viegas sai oradór iha diálogu hodi ko’alia kona-ba harii pás, prevensaun no rezolusaun konflitu, ne’ebé organiza hosi Ministériu Solidariedade Sosiál no Inkluzaun-(MSSI) iha Suku Maubessi, Postu Administrativu Maubessi Villa, Munisípiu Ainaro.
Diretór DNPKK António Viegas konsidera diálogu importante bele lori solusaun di’ak ba problema iha komunidade, nunee bele kria pás no estabilidade.
“Agradese tebes ho diálogu ne’ebé organiza hosi MSSI nuudar meius di’ak ida atu fó solusaun ba problema iha komunidade, hahú kedas nível aldeia, suku, postu to’o, munisípiu. Hanesan lema DNPKK nian Di’ak Liu Prevene, Duké Kura,” haktuir Diretór DNPKK.
Diretór António hateten, “Inan aman sira iha suku Maubessi atu fó atensaun ba oan sira atu labele envolve iha konflitu, tanba konflitu sei fó impaktu negativu ba oan sira nia-an bele mate, kanek, no ba ospitál. Oan sira tenke hadook an hosi konflitu atu labele pertuba estabilidade no seguransa iha laran, nunee bele fó biban ba ita-nia seguransa PNTL ho F-FDTL atu konsentra no fó atensaun seguransa ba área fronteira rai maran no tasi nian, atu proteje ita-nia riku so’i tasi nian hanesan ikan, ne’ebé tinan-tinan lakon.”
Iha parte seluk, Direjente DNPKK fundamenta Maubessi rai bokur no potensiál tebes ba produtu horte kultura, ne’ebé bele hasa’e rendementu moris família nian, tanba ne’e persija joven sira-nia kreativu no badinas atu dezenvolve Maubessi.
Ikus liu, Oradór DNPKK ne’e, husik hela mensajen ikus, no alerta ba komunidade Maubessi atu kuidadu-an hosi risku dezastre naturais liuliu iha tempu udan, anin no rai monu. Buat importante ida mak komunidade labele halo uma iha fatin risku, no labele tesi ai-horis arbiru.
Caption Photos: Diretor DNPKK, Antonio Viegas wainhira sai orador iha Dialogu komunitaria ne´ebe halao iha Maubessi, Munisipiu Ainaro.
File foto: Maibessi
——————————————-
Notisia Seluk
XEFI FAMÍLIA 25 AFEITA BA ANIN BOOT NO RAI HALAI
Dili, 15 Jullu 2024-Durante semana ida ne’e hahú hosi 8 to’o 15 Jullu Autoridadee Protesaun Sivíl (APC) liu hosi Sentru Nasionál Operasaun Protesaun Sivíl (CNOPS) rejista xefe família hamutuk 25 ne’ebé afeitadu ba tipu dezastre anin boot no rai halai, maibé la rejista...
APC MANATUTO APOIU UMA KAIN RUA IHA SUKU LAKUMESAK
Manatuto, 11 Jullu 2024- Komando Autoridade Protesaun Sivíl (APC) Munisípiu Manatuto ne’ebé lidera husi Inspetor Polisia Tome da Costa akompaña husi Adjunto António Vitorino Fernandes ho Xefe Dept.Jestaun Risku Dezastre, Elvis Miguel Gonzaga ho ekipa hamutuk ho...
𝐏𝐑𝐄𝐙𝐈𝐃𝐄𝐍𝐓I 𝐀𝐏𝐂 𝐊𝐎𝐍𝐕𝐎𝐊𝐀 𝐄𝐍𝐊𝐎𝐍𝐓𝐑𝐔 𝐃𝐄𝐒𝐏𝐄𝐃𝐈𝐃𝐀 𝐇𝐎 𝐃𝐍𝐁
Dili, 15 Jullu 2024-Prezidenti APC atual, Superientendente Polisia, Ismael da Costa Babo konvoka enkontru despedida ho diretor, xefe departamentu no funsionáriu sira Diresaun Nasional Bombeiros (DNB). Enkontru despedida hanesan enkontru ikus ba Prezidente atual APC,...