MAUBESSI, 29 Setembru 2022 – Autoridade Protesaun Sivíl liuhusi Diretór Diresaun Nasionál Prevensaun Konflitu Komunitáriu (DNPKK), António Viegas sai oradór iha diálogu hodi ko’alia kona-ba harii pás, prevensaun no rezolusaun konflitu, ne’ebé organiza hosi Ministériu Solidariedade Sosiál no Inkluzaun-(MSSI) iha Suku Maubessi, Postu Administrativu Maubessi Villa, Munisípiu Ainaro.
Diretór DNPKK António Viegas konsidera diálogu importante bele lori solusaun di’ak ba problema iha komunidade, nunee bele kria pás no estabilidade.
“Agradese tebes ho diálogu ne’ebé organiza hosi MSSI nuudar meius di’ak ida atu fó solusaun ba problema iha komunidade, hahú kedas nível aldeia, suku, postu to’o, munisípiu. Hanesan lema DNPKK nian Di’ak Liu Prevene, Duké Kura,” haktuir Diretór DNPKK.
Diretór António hateten, “Inan aman sira iha suku Maubessi atu fó atensaun ba oan sira atu labele envolve iha konflitu, tanba konflitu sei fó impaktu negativu ba oan sira nia-an bele mate, kanek, no ba ospitál. Oan sira tenke hadook an hosi konflitu atu labele pertuba estabilidade no seguransa iha laran, nunee bele fó biban ba ita-nia seguransa PNTL ho F-FDTL atu konsentra no fó atensaun seguransa ba área fronteira rai maran no tasi nian, atu proteje ita-nia riku so’i tasi nian hanesan ikan, ne’ebé tinan-tinan lakon.”
Iha parte seluk, Direjente DNPKK fundamenta Maubessi rai bokur no potensiál tebes ba produtu horte kultura, ne’ebé bele hasa’e rendementu moris família nian, tanba ne’e persija joven sira-nia kreativu no badinas atu dezenvolve Maubessi.
Ikus liu, Oradór DNPKK ne’e, husik hela mensajen ikus, no alerta ba komunidade Maubessi atu kuidadu-an hosi risku dezastre naturais liuliu iha tempu udan, anin no rai monu. Buat importante ida mak komunidade labele halo uma iha fatin risku, no labele tesi ai-horis arbiru.
Caption Photos: Diretor DNPKK, Antonio Viegas wainhira sai orador iha Dialogu komunitaria ne´ebe halao iha Maubessi, Munisipiu Ainaro.
File foto: Maibessi
——————————————-
Notisia Seluk
FORMASAUN DEZENCARSERAMENTU UNIDADE ESPESIÁL PROTESAUN SIVÍL
Dili, 19 Juñu 2024 - Formasaun Dezencarseramentu Unidade Espesial Protesaun Sivíl (APC) no formasaun kontinuasaun ba formasaun kazuais kona-bá orden ida nian, partisipante husi Diretor Sentru Formasaun Autoridade Protesaun Sivíl, Carlos da Costa no komandante UEPS...
APC Manatuto Partisipa Enkontru Ne’ebé Organiza Husi World Vision
Manatuto, 19 Juñu 2024- Komando Autoridade Protesaun Sivil (APC) Munisípiu Manatuto ne’ebé lidera husi Inspetor Polisia Tome da Costa ohin partisipa enkontru husi parseiru World Vision kona-bá vizita Cruzada Progresu implementasaun projetu ho objektivu atu fahe xave...
𝐀𝐏𝐂 𝐏𝐀𝐑𝐓𝐈𝐒𝐈𝐏𝐀 𝐖𝐎𝐑𝐊𝐒𝐇𝐎𝐏 𝐕𝐀𝐋𝐈𝐃𝐀𝐒𝐀𝐔𝐍 𝐀𝐒𝐀𝐔𝐍 𝐀𝐍𝐓𝐈𝐒𝐈𝐏𝐀𝐓𝐎́𝐑𝐈𝐔 𝐈𝐇𝐀 𝐁𝐎𝐁𝐎𝐍𝐀𝐑𝐎
Bobonaro, 19 Juñu 2024- 𝐀𝐮𝐭𝐨𝐫𝐢𝐝𝐚𝐝𝐞 𝐏𝐫𝐨𝐭𝐞𝐬𝐚𝐮𝐧 𝐒𝐢𝐯𝐢́𝐥 (𝐀𝐏𝐂) 𝐥𝐢𝐮 𝐡𝐨𝐬𝐢 𝐃𝐢𝐫𝐞𝐭𝐨́𝐫 𝐆𝐚𝐛𝐢𝐧𝐞𝐭𝐞 𝐑𝐞𝐥𝐚𝐬𝐚𝐮𝐧 𝐄𝐱𝐭𝐞𝐫𝐧𝐚 𝐧𝐨 𝐊𝐨𝐦𝐮𝐧𝐢𝐤𝐚𝐬𝐚𝐮𝐧 (𝐆𝐑𝐄𝐊), 𝐂𝐞𝐬𝐚𝐫𝐢𝐨 𝐝𝐚 𝐒𝐢𝐥𝐯𝐚 𝐌𝐚𝐫𝐪𝐮𝐞𝐬 𝐡𝐨 𝐀𝐝𝐣𝐮𝐧𝐭𝐨 𝐎𝐩𝐞𝐫𝐚𝐬𝐢𝐨𝐧𝐚́𝐥 𝐓𝐞𝐫𝐫𝐞𝐬𝐭𝐫𝐞, 𝐌𝐚𝐫𝐭𝐢𝐧𝐡𝐨 𝐅𝐚́𝐭𝐢𝐦𝐚 𝐩𝐚𝐫𝐭𝐢𝐬𝐢𝐩𝐚 𝐢𝐡𝐚 𝐰𝐨𝐫𝐤𝐬𝐡𝐨𝐩 𝐯𝐚𝐥𝐢𝐝𝐚𝐬𝐚𝐮𝐧 𝐏𝐫𝐨𝐭𝐨́𝐤𝐨𝐥𝐮 𝐀𝐬𝐚𝐮𝐧 𝐒𝐞𝐝𝐮 𝐛𝐚 𝐀𝐬𝐚𝐮𝐧...