DILI, 29 Junu 2022 (MEDIA GREC) – Superintendente Polisia Ismael da Costa Babo, Lic. Agr, M.Sc offisialmente asumi kargu Prezidenti ba Autoridade Protesaun Sivíl (APC) ne´ebe seremonia posse ne´e hetan prezensa hosi Prezidenti Republika Dr. José Ramos-Horta no Vise Ministru Interior, Armindo Antonio, Kinta (29/6/2022) iha resintu Autoridade Protesaun Sivil, Kaikoli, Dili.
Iha nia deskursu badak, xefi estadu hateten, nia konese diak ba servisu Superintendente Polísia, Ismael da Costa Babo, Lic. Agr, M.Sc durante halao knar nu´udar superior PNTL iha area seguransa to ´o hetan konfiansa hodi sumi kargu refere.
“Ismael Babo pessoal ne´ebe responsabilidade no tane aas interese nasional, liliu iha area seguransa. Hau konese nia tinan barak no halao ona knar lubuk ida ho prestasaun diak,” dehan Xefi Estadu
Entertantu, Superintendente Polísia, Ismael da Costa Babo, Lic. Agr, M.Sc agredese ba konfiansa governu ne´ebe fo fiar nia hodi asumi kargu importante iha APC nu´udar prezidenti.
“Agradese teb-tebes ho prejensa Prejidente Repúblika no entidades lubun wain. Liu husi deskursu hodi bele fo relevansia ba progresaun servisu Autoridade Protesaun SivÍl nia iha Timor- Leste” .
Seremonia posse no inugurasaun APC ne´e halo ho seremonia desfile ho marsa hosi membru Bombeiros PNTL, DNPKK no DNGRD.