DILI, 30 Janieiru 2023 – Relasiona ho servisu Gabinete Relasaun External no Komunikasaun (GREC) APC nian, Funsionariu GREC nain 4 hetan formasaun oinsa utiliza website APC ne´ebe estabelese ona ho koperasaun hosi Teknolojia, Informasaun no Komunikasaun (TIC Timor).
Formasaun ne´e loke offisialmente hosi Diretor GREC, Anacleto Caetano no TIC Timor reprezenta hosi Nicolino N. da Costa Pereira nu´udar offisial Operador Software Developer.
“Formasaun ne´e importante ba ami ne´ebe servisu iha area komunikasaun liliu iha GREC hodi oinsa dessimina informasaun liu hosi notisias ba atividade APC tomak iha Timor-Leste,” dehan Cipriano Mesquita.
Formasaun ne´e realiaza durante loron 3 hahu 30 Janieiru to´o 1 Fevereiru 2023 iha salaun inkontru APC, Kaikoli, Dili.
Formador TIC nian ne´ebe fo formasaun maka Tiago dos Santos no Adelia Soares, Mikaela Freitas no Joazinho Marques.
Entertantu funsionariu GREC nian haat (4) ne´ebe tuir formasaun maka Joao Filipe, Nelson Nunes, Cipriano Mesquita no Mateus da Costa.