Díli, 10 fevereiru 2023- Prezidente Autoridade Protesaun Sivíl (APC), Superintendente Polísia Ismael da Costa Babo akompaña husi Diretúr Nasionál Jestaun Rekursu, Virgílio dos Santos Soares hasoru malu ho Prezidente Komisaun Funsaun Públika (KFP), Faustino Cardoso Gomes hodi ko’alia kona-bá nível no nomeasaun ba kargu xéfia liuliu departamentu, seksaun, inklui rejíme espesiál ba APC nian.
Iha biban, Prezidente KFP, Faustino Cardoso Gomes hateten KFP sempre prontu servisu hamutuk atu hare’e ba preokupasaun APC nian. Maibé, komisaun nia hakarak buat hotu tenke iha armónia ho baze legál labele soké malu.