FOTO HAMUTUK: Komandante Operasaun Nasionál APC, Superintendente Assistente PNTL, Nuno R. Gomes iha foto hamutuk ho partisipante workshop. Foto: GREC-APC/Cipriano Mesquita
Dili, 16 Fevereiru 2023 – Atu halo prevensaun no responde ba situasaun dezastre, Food and Agriculture Organization (FAO) hamutuk Autoridade Protesaun Sivíl (APC) no Cruz Vermelha Timor-Leste (CVTL) realiza workshop kona-ba asaun antisipatória iha Timor-Leste hodi responde bainhira mosu situasaun dezastre.
Workshop ne’ e loke offisialmente hosi Komandante Operasaun Nasionál APC, Superintende Asistente Polísia, Nuno Rumaldo Gomes akompaña hosi Asistente Reprezentativu FAO Timor-Leste, Ana Lopes da Cruz no Sekretáriu Jerál CVTL, Luis Pedro Pinto.
Komandante Operasaun Nasionál APC, Superientende Asistente Polísia, Nuno Romualdo Gomes hateten workshop ne’ e importante atu hamosu diskusaun hodi define termus sira iha relasaun ho jestaun risku dezastre, no asaun antisipatória ba responde dezastre.
“Workshop ne’e hakarak hamosu konseitu ida klaru kona-ba asaun antisipatória ba responde dezastre,” dehan Komandante Operasaun APC.
Nia hatutan, “kada organizasaun, instituisaun estadu liuliu APC atu define konseitu ida, molok atu resposta ba dezastre ruma ka liuhusi prevensaun, mitagasaun no resposta lais ba vítima sira ne’ebé afeita ba dezastre.”
Atividade workshop ne’ e hala’o durante loron rua, hahú hosi 16 to’o 17 Fevereiru 2023 iha salaun Tower, Fatuhada.
Hola prezensa mós iha workshop ne’ e Diretór GREK, Anacleto Caetano, Diretúr DNGRD, Agustinho Cosme, Adjuntu Komandante Operasaun Aero, Adjunto Komandante Terrestre, Xefe Seksaun Komunikasaun.
Entertantu partisipante sira iha workshop ne’ e hosi parseiru nasionál no internasionál APC nian.
Textu: Cipriano Mesquita