KONFERENSIA IMPRENSA – Diretór Gabinete Relasaun Externa no Komunikasaun, Anacleto Caetano iha konferénsia imprensa esplika, alende uma 11 maka hetan estragus, APC mos rejista uma 4 maka hetan insendiu no uma 1 aat tamba rai halai no uma 4 aat tamba inundasaun. Foto: Media APC/ Cipriano Mesquita
Dili, 20 Fevereiru 2023 – Autoridade Proteção Civíl (APC) rejista tan uma 11 maka hetan estragus tamba impaktu hosi dezastre natural anin bo´ot ne´ebe akontese iha 14 to ´o 20 Fevereiru 2023.
Diretór Gabinete Relasaun Externa no Komunikasaun, Anacleto Caetano iha konferénsia imprensa esplika, alende uma 11 maka hetan estragus, APC mos rejista uma 4 maka hetan insendiu no uma 1 aat tamba rai halai no uma 4 aat tamba inundasaun.
“Dezastre hanesan anin bo´ot, ahi han no rai halai rejistu uma hamutuk xefi familia 16 maka hetan estragus,” informa Anacleto, Segunda (20/2/2023), iha Edifisiu APC Caicoli, Dili.
Nia esplika, uma 11 ne´ebe hetan estragus akontese iha Munisipiu Bobonaro rua (2), Ermera (4), Liquisa (1), Manatuto (2), Manufahi (1) no RAEOA (1).
Entertantu uma 4 ne´ebe ahi han akontese ida iha Baucau, Postu Baguia suku Afalokai aldeia Okilari iha akontese iha 14 Fevereiru 2023, iha Ermera akontese iha aldeia Laulema, Suku Urahou, Postu Hatolia B akontese iha 16 Fevereiru 2023.
Uma rua seluk ne´ebe ahi han akontese iha Aldeia Lina, Suku Iliomar 2, Postu Iliomar, Munisipiu Lautém Ahí han 14 Fevereiru 2023 no uma ida iha Aldeia Sanane, Suku Costa, Postu Pante Makassar akontes iha 17 Fevereiru 2023.
“Iha Municípiu Bobonaro Anin sobu uma 2 no Rai halai uma 1 iha postu Cailaco Suku Raiheu Aldeia Oho-ana iha loron 17 Fevereiru 2023 no iha 14 Fevereiru 20223, akontese iha aldeia Aitutu akontese no iha Postu Balibo suku Leolima Aldeia Dauderok,” esplika direitor ne´e.
Iha Munisipiu Liquisa Anin akontese mos Rai halai no estragus uma ida (1) komunidade nian ne´ebe iha Aldeia Caicasa, Suku Gugleur, Postu Maubara akontese iha 14 Fevereiru.
Kona ba Inundasaun akontese iha RAEOA, estragus uma 4 komunidade nian akontese iha iha Aldeia Manam, Suku Beni-Ufe, Postu Nitibe, akontese iha 16 Fevereiru 2023.
“Komando APC Munisipiu no parseiru relevante fornese assitensia emerjensia ba familia afetadu sira maka hanesan ai-han no laos ai-han (food item no non food item) Komando munisiiu sira mos kontinua halo hela levantamentu detaillu ho halo verifikasaun kona-ba komunidade sira nia uma hodi hare’e ba prosesu tuir mai, tuir kategoria estragu sira,” esplika direitor ne´e.
Iha periodu ne´e, APC mos rejista ovem rua ne´ebe mate iha Munisipiu Ainaro hafoin lakon semana ida iha sira nia viagem ba peregrinasaun iha foho ramelau,
APC mos kontinua apela ba komunidade sira atu hadok-an nafatin husi área risku sira no buka hela fatin seguru, akompanã nafatin informasaun husi Meterologia.
Textu: Mateus da Costa
Foto: Cipriano Mesquita